Iran'gha chétishliq xitay shirketlirini amérika “Qara tizimlik” ke aldi

Muxbirimiz eziz
2022.08.02
Share on WhatsApp
Share on WhatsApp

Roytérs agéntliqining 2-awghusttiki xewiride éytilishiche, amérika hökümiti aldinqi küni iranning sherqiy asiya rayonida nechche on milyon tonniliq néfit we néfit-ximiye sana'iti mehsulatlirini sétishigha yardemleshken xitay shirketlirige jaza élan qilghan.

Xewerde éytilishiche, amérika maliye ministirliqi we tashqi ishlar ministirliqi alte shirketke jaza élan qilghan bolup, buning töti xongkongda, qalghan ikkisi sin'gapor we ereb birleshme xelipilikide iken. Bu shirketler iran'gha émbargo élan qilin'ghanliqigha qarimastin iranning asiya rayonida néfit mehsulatlirini sétishigha yoshurun yardemleshken hemde buningdin ghayet zor paydigha érishken. Melum bolushiche, bu jaza élan qilin'ghandin kéyin amérika tewesidiki héchqandaq shexs yaki shirketning bular bilen soda alaqiside bolushi men'i qilinidiken. Maliye ministirliqining yuqiri derijilik emeldari brayin nélson (Brian Nelson) bu heqte söz qilip: “Iran öz mejburiyitini toluq ada qilghan'gha qeder iran'gha qaritilghan jaza tedbirliri küchke ige bolidu. Uninggha hemdem bolghanlarmu oxshashla jazalinidu” dégen.

Xewerde éytilishiche, xitay hökümiti izchil iran'gha élan qilin'ghan émbargo charilirigha qarshi ikenlikini tekitlep kéliwatqan bolup, nurghunlighan xelq'araliq mesililerde, jümlidin Uyghur diyaridiki qirghinchiliqta iran hökümiti xitayni pa'al qollap kelgeniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.