Америкадики қуяш ениргийә тахтиси ишләпчиқарғучилар хитай үстидин әрз сун сунған

Мухбиримиз ирадә
2021-08-19
Share

Америкадики қуяш ениргийә тахтиси ишләпчиқарғучилири йеқинда америка сода министирлиқиға әрз сунуп, хитайниң қуяш ениргийә тахтиси ширкәтлири үстидин тәкшүрүш елип беришни тәләп қилған. Улар хитай ширкәтлириниң завутлирини малайсия, вейтнам вә тайландқа йөткәп сахтипәзлик қилиш арқилиқ американиң хитай қуяш ениргийә тахтиси ширкәтлиригә қойған җаза тәдбирлиридин қечиватқанлиқини билдүргән.

Америка һөкүмити бу йил 6-айда қуяш енергийәси тахтисиниң көп киристаллиқ киримней қатарлиқ һалқилиқ хам материяллирини ишләйдиған 5 хитай ширкитигә уйғурларни мәҗбурий әмгәккә селишқа қатнашқанлиқи үчүн җаза тәдбири елан қилған иди.

“блумберг” хәвәрлириниң билдүрүшичә, исмини ашкарилимиған америка шеркәтлири пайтәхт вашингтондики бир адовкатлиқ орни арқилиқ америка сода министирлиқиға әрз сунуп, американиң җаза тәдбириниң хитайниң малайсия, вейтнам вә тайланд қатарлиқ 3 дөләттики шикәтләргиму тәтбиқлинишини тәләп қилған икән.

Әрзнамидә улар хитайниң әң чоң қуяш енергийәси ишләпчиқарғучиси болған лоңҗи йешил енергийә техника ширкити, тирина қуяш ширкити, җинко солар пай контрол ширкити вә JA қуяш енергийиси чәклик ширкити қатарлиқларниң исми йәр алған болуп, америка ширкәтлири американи бу шикәтләрниң юқириқи дөләтләрдики паалийәтлирини тәкшүрүшкә вә җаза тәдбириниң даирисини кеңәйтип, шәрқий-җәнубий асия дөләтлиридики хитай ширкәтлири қурған завутларниң мәһсулатлириниму қаплашни тәләп қилған.

Американиң хитайниң уйғурларға қаритиватқан мәҗбурий әмгикини аяқлаштуруш тиришчанлиқи хитайниң мушу хилдики мурәккәп тиҗарәт усуллири сәвәбидин үнүмлүк нәтиҗә бәрмәйватқанлиқи илгири пахта мәһсулатлири саһәсидиму көрүнгән иди. Бу сәвәблик мутәхәссисиләр импорт қилғучи америка ширкәтлирини мәһсулатниң әсли мәнбәсини қаттиқ тәкшүрүшкә дәвәт қилип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт