Xitayning xu'aling shirkiti bay nahiyeside chong kölemlik charwichiliq férmisi qurushqa bashlighan

Muxbirimiz erkin
2020-10-02
Share

Xitayning xu'aling soda-sana'et guruhi bay nahiyeside 4 milyard 500 milyon yüen meblegh sélip, chong kölemlik charwichiliq férmisi qurushqa bashlighan.

Melum bolushiche, mezkur férma bay nahiyesining 40 kilométir sherqiy-jenubidiki sayram bazirida qurulidiken. Qurulush türining ul sélish murasimi 1-öktebir küni ötküzülgen. Melum bolushiche, bu xu'aling guruhining bu sahediki eng chong meblegh sélish türi iken. "Jonggo xewerliri" namliq xitay axbarat torining xewiride bu qurulushning 3-nöwetlik "Shinjang xizmiti söhbet yighini" üchün bir tentene ikenliki tekitlen'gen.

Xitay bash sékritari shi jinping 9-ayning axirlirida ötküzülgen 3-nöwetlik "Shinjang xizmiti söhbet yighini" da xelq'arada "Irqiy qirghinchilik" dep eyiblinip kéliwatqan "Shinjang siyasiti" ning toghra ikenliki, bu siyasetning dawamlashturulidighanliqini tekitligen. Shi jinpingning sözi xelq'arada qattiq tenqidke uchrighan. Bu uning lagér we mejburiy emgekni dawamlashturidighanliqidin dérek béridu, dep qaralghan idi.

"Jonggo xewerliri" ning xewiride mezkur férma ishqa kirishse 10 ming kishining ishqa orunlishidighanliqini bildürgen, lékin emgek küchining kélish menbesi heqqide héchqandaq uchur bermigen. Közetküchilerning perez qilishiche, bu férmimu hökümet bilen birliship, Uyghurlarni "Qul emgéki" ge sélishi mumkin iken. Amérika awam palatasi yéqinqi 10 kün ichide Uyghurlarning "Qul emgiki" ge sélinishigha qarshi ikki qanun layihesi maqullighan. Qanun layiheside bundaq shirketlerning mehsulatini amérikagha import qilish cheklen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet