Xitay shirketliri Uyghur nanlirini pakistan'gha ékisport qilishni bashlighan

Xitay shirketliri Uyghur nanlirini pakistan'gha ékisport qilishni bashlighan. “Xitay xewerler tori” ning xewiridin melum bolushiche, 7-öktebir künidin bashlap “Shinjang qeshqer nenda yéngi déhqanchiliq cheklik shirkiti” dep atilidighan bir shirket teripidin ishlepchiqirilghan bir türküm nanlar qeshqer wilayiti tashqorghan tajik aptonom nahiyesidiki chégra almashturush soda rayoni arqiliq pakistan'gha ékisport qilin'ghan.

Xewerde bu nanlarning pakistanda alqishqa érishkenliki, bundin kéyin qerellik halda sétilidighanliqi bayan qilin'ghan.

Xitay da'iriliri yéqinqi yillardin buyan Uyghur élida chong kölemlik nawaychiliq zawutlirini qurup, Uyghurlarning en'eniwi yémeklik kespiy bolghan nawaychiliqni monopol qilishni bashlighan we shexsiy nawayxanilarni cheklep, chong kölemlik nawaychiliq zawutliri arqiliq bir tutash teminleshni yolgha qoyghan idi.

Chet ellerdiki Uyghur közetküchilerning qarishiche, bu atalmish “Shinjang qeshqer nenda yéngi déhqanchiliq cheklik shirkiti” mu ene shu xildiki nan zawutlirining biri bolup, xitay igidarchiliqidiki bu zawutlarda ishlewatqan Uyghurlar xitay hökümitining yéngi qul emgikining qurbanliri iken.