Marko rubiyo: "Qara tizimliktiki xitay shirketlirini amérika baziridin qoghlaymiz!"

Muxbirimiz eziz
2020-10-28
Share

Amérika kéngesh palatasining jumhuriyetchiler partiyesidin bolghan ezasi marko rubiyo yéqinda amérika hökümitining "Qaram tizimlik" ige chüshken xitay shirketlirini amérika kapital baziridin qoghlap chiqirish heqqidiki qanun layihesini tonushturghan.

Roytérs agéntliqining 27-öktebirdiki xewiride éytilishiche, bu qanun layiheside amérika meblegh shirketliri we sughurta shirketlirining alliqachan "Qara tizimlik" ke élin'ghan xitay shirketlirining we xitay armiyesining paychékini sétiwélishi men'iy qilinidiken. Shuning bilen birge bu qanun layihesi maqullansa "Qara tizimlik" tiki xitay shirketlirining amérika bazarliridiki pa'aliyetliri birdek men'iy qilinidiken.

Marko rubiyo bu heqte muxbirlargha qilghan sözide "Xitay kompartiyesi amérika kapital baziridiki talan-taraj qilmishidin bashqa yene dölitimizning bixeterlik ishlirighimu éghir tehdit peyda qiliwatidu," dégen.

Xewerde éytilishiche, bu qanun layihesi maqullansa, xitay hökümitining Uyghur diyaridiki saqchi döliti berpa qilishigha we Uyghurlarni basturushigha biwasite halda zor hesse qoshqan xitay téxnika shirketliri iqtisadiy jehette éghir zerbige uchraydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.