Икки хитай ширкитиниң уйғурларниң наразилиқи сәвәблик канадада нутуқ сөзлиши бикар қилинған

Мухбиримиз әркин
2019-11-18
Елхәт
Пикир
Share
Принт

Канададики бритиш коломбийә университетиниң «хитай мунбири» йиғиниға тәклип қилинған икки хитай ширкити вәкиллириниң уйғурларниң наразилиқ сәвәблик йиғинда нутуқ сөзлиши бикар қилинған.

Мәлум болушичә, йеқинда бритиш коломбийә университетиниң бир сода кулуби хитайниң «сәзгүр чағ» намлиқ технологийә ширкити билән сина блогиниң вәкиллирини өзлириниң «хитай мунбири» намлиқ йиғинида нутуқ сөзләшкә тәклип қилған. «Сәзгүр чағ» техника ширкити хитай һөкүмитиниң уйғурларни бастурушиға ярдәмләшкәнлики сәвәблик йеқинда америка сода министирлиқиниң қара тизимликигә киргүзүлгәниди.

Бу икки ширкәтниң, болупму «сәзгүр чағ» ниң мәзкур йиғинға тәклип қилиниши канаданиң ванковер шәһиридики уйғур тәшкилатиниң қаттиқ наразилиқиға учриған. Канада ванковер уйғур җәмийити яшлар гурупписиниң рәиси сәлинна нурәли канаданиң «CBC хәвәрлири» гә хәт йезип, «бритиш коломбийә университетиниң бу һәрикитидин қаттиқ әпсусланғанлиқи» ни билдүргәниди.

Канада «йәр шари почтиси гезити» ниң хәвәр қилишичә, бритиш коломбийә университетиниң «хитай мунбири» өзиниң торида уқтуруш елан қилип, «сәзгүр чағ» ширкитиниң вәкили җимий җов билән сина блогниң вәкили лина ченниң йиғинда нутуқ сөзлиши бикар қилинғанлиқини билдүргән. Уқтурушта, «вәзийәтни юмшитиш үчүн сәзгүр чағ вә сина блогидин нутуқ сөзлигүчиләр бритиш коломбийә университетиниң 2019‏-йиллиқ хитай мунбири йиғиниға қатнашмайдиған болди» дейилгән.

«Сәзгүр чағ» ниң бу йиғинға тәклип қилиниши уйғурларниң наразилиқини қозғапла қалмай, канададики бәзи мутәхәссисләрниң тәнқидигә учриған. Канада брок университетиниң хитайшунас профессори чарлис буртон бритиш коломбийә университетиниң җимий җовни нутуқ сөзләшкә тәклип қилиши «шәрмәндилик» дәп әйиблигәниди. Сәлинна нурәли йәкшәнбә күни «йәр шари почтиси гезити» гә бәргән баянатида у иккәйләнниң нутиқиниң бикар қилинғанлиқини муәййәнләштүрүп, : «бу мени хушал қилди. Биз өзимизниң һәрикитиниң нәтиҗисини көрдуқ. Пакит, пәқәт биз дәс турсақ пәрқ яриталайдикәнмиз» дегән.

Пикирләр (0)
Share
Толуқ бәт