“вал-ситрит” та тизимға елинған хитай ширкәтлириниң кәлгүси 3 йилда американиң сәрмайә базиридин айрилип қелиши мумкинкән

Мухбиримиз ирадә
2021-12-16
Share

Американиң CNBC телевизийәсиниң хәвәр қилишичә, бейҗиң билән вашингтон оттурисидики зиддийәтниң давамлишиши нәтиҗисидә, 2024-йилға барғанда нурғунлиған хитай ширкәтлири америка перевот базирида сәрмайигә еришиштин айрилип қалидикән.

Хитайниң америкида базарға селиниватқан нурғунлиған интернет ширкәтлири алиқачан хоңкоң пай чеки базирида өзини тизимға алдурушни башлиғанлиқи мәлум. Улар хитайниң әли баба ширкити вә униң риқабәтчиси JD.com, издәш матори “бәйду”, тор оюни ширкити NetEase вә иҗтимаий алақә тори “вейбо” қатарлиқларни өз ичигә алидикән.

Хәвәрдә дийилишичә, һәрқандақ бир ширкәт американиң “насдак” яки “ню-йорк аксийәси” қатарлиқ перевот базиридин орун алалмиса, бу униң кәң сетивалғучилар, сатқучилар вә васитичилар топиға еришиш пурситидин мәһрум қалидиғанлиқини билдүридикән.

Америкадики мүлүк башқуруш шеркити болған TCW горуһиниң базар тәтқиқат мәркизи дериктори давид ловиңгер 15-декабир күни CNBC мухбириға қилған сөзидә: “мениңчә, америка пай чеки базирида базарға селинған нурғун хитай ширкәтлиригә нисбәтән, бу маһийәттә ‛оюнниң ахирлашқанлиқи‚ дин дерәк бериду,” дегән.

Мәлум болушичә, америка аксийә сода комитети бу айда базарни назарәт қилип башқуруш тармақлириниң америкада базарға селинидиған чәтәл ширкәтлири әгәр американиң қаидисигә уйғун һәрикәт қилмиған тәқдирдә, уларниң америкадики содисини чәклишигә һоқуқ беридиған қанунни йолға қоюш қаидилирини әмәлийләштүрүш алдида туруватқан икән.

Мәзкур қанун 2020-йили хитайниң назарәт қилип башқуруш тармақлири американиң аммиви ширкәтләр боғалтирлиқ назарәт һәйитиниң америкида базарға селинған вә сода қилидиған хитай карханилириниң иқтисадий тәптишликини тәкшүрүш тәлипини көп қетим рәт қилғандин кейин, мақулланған икән.

Ловиңгерниң қаришичә, хитайниң йеқин кәлгүсидә американиң өз шеркәтлириниң иқтисадини тәкшүрүшигә йол қоймайдиғанлиқини нәзәрдә тутқанда вә икки тәрәплик мунасивәтниң тезла яхшилиниши мумкин әмәсликини көздә тутқанда, “кәлгүси бир қанчә йилда буни һәл қилидиған йол йоқ” икән. Буниң нәтиҗисидә хитай ширкәтлири америка пай чеки базиридин чиқип кеـтишкә мәҗбур болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт