Amérika xitayning yene bir türküm halqiliq shirketlirini "Qara tizimlik" ke kirgüzdi

Muxbirimiz erkin
2020-12-18
Share

Amérika soda ministirliqi 18-dékabir amérikaning "Dölet bixeterliki seweblik" xitayning yene bir türküm halqiliq téxnologiye shirketlirini "Qara tizimlik" ke kirgüzgen. Roytérs agéntliqining xewer qilishiche, bu qétim xitayning "Xelq'ara yérim ötküzgüch ishlepchirish guruhi" -SMIC, uchquchisiz ayrupilan ishlepchiqirish shérkiti bolghan "Shénjin dajang yéngiliq yaritish téxnologiye cheklik shérkiti" -SZ DJI qatarliq 60 din artuq karxanisi "Qara tizimlik" ke kirgüzülgen.

Amérika soda ministirliqi 18-dékabir élan qilghan bayanatida, "Bu heriketke xitayning herbiy-xelq igilikini birleshtürüsh telimati, yérim ötküzgüch ishlepchirish guruhi bilen xitay herbiy sana'et sahesige alaqidar bezi orunlar arisidiki pa'aliyetke da'ir deliller türtke bolghanliqi" ni bildürgen. Roytérs agéntliqining tekitlishiche, "Qara tizimlik" tiki qalghan shirketler "Kishilik hoquq depsendichilikige ishtirak qilghan, jenubiy déngizning herbiyleshtürülüshi, qanunsiz igiliwélinishigha yardem bergen, amérika mehsulatlirini xitay azadliq armiyesining herbiy programmisini qollash üchün sétiwalghan amérikaning soda mexpiyetlikini oghrilighan shexs we orunlar" iken.

Amérika soda ministirliqi ilgirimu xitay hökümitining Uyghurlarni basturushigha hemkarlashqan daxu'a, xeykang qatarliq xitay téxnologiye karxanilirini "Qara tizimlik" ke kirgüzgen idi. Roytérs agéntliqining bildürüshiche, amérika soda ministiri wilbur ros bu shérketlerning "Ilghar amérika téxnikisini ishlitip, künséri esebiylishiwatqan reqibining armiye qurushigha yardem bérishige yol qoymaydighanliqi" ni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet