Хитай сенкакуни өзиниң қоғдаш райониға киргүзгән, японийә һөкүмити наразлиқ билдүргән

Мухбиримиз җүмә
2013-11-23
Share


Хитай даирилири японийә контроллуқидики араллар гурупписини өзиниң қоғдаш райониға киргүзгәндин кейин, японийә һөкүмити буниңға наразлиқ билдүргән.

Хитай дөләт мудапиә министирлики өз тор бетидә елан қилған һава мудапиә райони хәритисигә қариғанда, шәрқий деңизниң көп қисми вә нөвәттә японийә контроллуқидики сенкаку араллар гурупписи хитай һава армийиси қоғдайдиған бәлвағ ичигә елинған.

Японийә дипломатийә вазаритиниң шәнбә күни билдүрүшичә, дипломатийә вәзири җуничи иһара хитайниң японийәдә турушлуқ әлчиси хән җичияңға телефон қилип, етиразлиқ билдүргән.

Вазарәт елан қилған баянатқа қариғанда, дипломатийә вәзири җуничи иһара хитай әлчисигә японийәниң хитай түзүп чиққан мәзкур һава мудапиә райони хәритисини һәргиз қобул қилалмайдиғанлиқи, буниң икки тәрәп арисидики җиддийликни техиму улғайтидиғанлиқини билдүргән вә хитайниң бу қилиқини "бәк хәтәрлик" дәп көрсәткән.

"кйодо" агентлиқиниң хәвәр қилишичә, японийәниң муавин дипломатийә вәзири хитайниң японийәдә турушлуқ баш әлчиси чең яңхуани дүшәнбә күни чақиртип, японийәниң мәзкур мәсилидики мәйданини билдүридикән.

Сенкаку арили икки тәп мунасивәтлиридики назук мәсәлләрдин бири болуп, бу йил киргәндин буян хитай мәзкур районға тәкшуршурүш парахотлирини әвәткән, японийә күрәшчи айропиланлирини чиқирип, хитай тәрәпкә агаһландуруш бәргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт