Xitay sénkakuni özining qoghdash rayonigha kirgüzgen, yaponiye hökümiti narazliq bildürgen

Muxbirimiz jüme
2013.11.23
Share on WhatsApp
Share on WhatsApp


Xitay da'iriliri yaponiye kontrolluqidiki arallar guruppisini özining qoghdash rayonigha kirgüzgendin kéyin, yaponiye hökümiti buninggha narazliq bildürgen.

Xitay dölet mudapi'e ministirliki öz tor bétide élan qilghan hawa mudapi'e rayoni xeritisige qarighanda, sherqiy déngizning köp qismi we nöwette yaponiye kontrolluqidiki sénkaku arallar guruppisi xitay hawa armiyisi qoghdaydighan belwagh ichige élin'ghan.

Yaponiye diplomatiye wazaritining shenbe küni bildürüshiche, diplomatiye weziri junichi ihara xitayning yaponiyede turushluq elchisi xen jichiyanggha téléfon qilip, étirazliq bildürgen.

Wazaret élan qilghan bayanatqa qarighanda, diplomatiye weziri junichi ihara xitay elchisige yaponiyening xitay tüzüp chiqqan mezkur hawa mudapi'e rayoni xeritisini hergiz qobul qilalmaydighanliqi, buning ikki terep arisidiki jiddiylikni téximu ulghaytidighanliqini bildürgen we xitayning bu qiliqini “Bek xeterlik” dep körsetken.

“Kyodo” agéntliqining xewer qilishiche, yaponiyening mu'awin diplomatiye weziri xitayning yaponiyede turushluq bash elchisi chéng yangxu'ani düshenbe küni chaqirtip, yaponiyening mezkur mesilidiki meydanini bildüridiken.

Sénkaku arili ikki tep munasiwetliridiki nazuk mesellerdin biri bolup, bu yil kirgendin buyan xitay mezkur rayon'gha tekshurshurüsh paraxotlirini ewetken, yaponiye küreshchi ayropilanlirini chiqirip, xitay terepke agahlandurush bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.