Xitayda "Omumiy xelq dölet xewpsizliki terbiyesi" qanat yaydurulushqa bashlighan

Muxbirimiz irade
2020-04-16
Élxet
Pikir
Share
Print

4-Ayning 15-küni xitayning "Omumiy xelq dölet xewpsizliki terbiyesi küni" bolup, bu munasiwet bilen Uyghur élidiki herqaysi chong uniwérsitétlarda mexsus bu heqte tor arqiliq teshwiqat terbiye herikiti qanat yaydurulghan.

"Tengritagh tori" ning bu heqtiki xewirige qarighanda, Uyghur élidiki uniwérsitétlarda "Dölet xewpsizliki terbiyesi" boyiche oxshimaydighan terbiyelesh usulliri qanat yaydurulidighan bolup, uningda aliy mektep oqughuchilirining choqum siyasiy ang, idiye we herikette partiye bilen birdeklikni saqlap, dölet bixeterlikining hemme ademning mes'uliyiti ikenlikini her waqit éside ching tutushi kérekliki, mexpiyetlik éngini östürüp, dölet mudapiyesini qoghdash üchün küchlük mudapiye liniyesi bolushi kérekliki tekitlinidiken.

Xitay hökümiti tajsiman wirusni bir terep qilish mesiliside xelq'arada küchlük tenqidke uchrawatqan bir peytte uning dölet ichide "Omumiy xelq dölet xewpsizliki terbiyesi" ni tekitlishi diqqet qozghaydiken. Xitay hökümiti tajsiman wirusning yuqum ehwalini ammidin yoshurup, xitayning ichi we chet'ellerde milyonlighan kishining wirus bilen yuqumlinishi we yüzminglighan kishining ölümige sewebchi boldi, dep eyiblenmekte. Xitay xelq ammisi arisidimu naraziliqning kücheygenliki melum.

Xitay hökümiti bolsa eksiche dölet ichide hemme nersini dölet mexpiyetlikige baghlap teshwiq qilishni kücheytken. Melum bolushiche, "Dölet xewpsizliki terbiyesi" ni omumlashturush teshwiqati mezgilide herqaysi jaylarda "Dölet xewpsizliki terbiyesi" dersi ötüsh, kochilarda teshwiqat nuqtisi tesis qilish, ammiwi élan tarqitish qatarliq shekiller arqiliq dölet xewpsizliki bilimlirini organ, mehelle, mektep qatarliqlarghiche kirgüzülidiken.

Toluq bet