Xelq'ara kechürüm teshkilati tetqiqatchisi xitay hökümitini Uyghurlargha qaratqan diniy bésim siyasitini özgertishke chaqirdi

Muxbirimiz irade
2017-08-31
Share

Bügün xelq'ara kechürüm teshkilati Uyghurlarning dini erkinlikining bésimgha uchrash mesilisi heqqide bir parche maqale élan qilip, xitay hökümitini diniy bésim siyasetliridin waz kéchishke chaqirdi.

Teshkilatning sherqiy asiya tetqiqatliri diréktori roséyn rif teripidin élan qilin'ghan maqalide, xitay hökümitining Uyghurlarning diniy pa'aliyetlirini, jümlidin hej mezgilide ularning öz aldigha hejge bérishinimu qattiq cheklewatqanliqi alahide tilgha élinip "Dunyadiki milyonlighan musulmanlar hejige teyyarliniwatqanda, xitaydin öz aldigha hejge bérishni arzu qiliwatqanlar se'udi erebistanning ornigha türmige baridighandek turidu. Bu yilning béshida xitay da'iriliri 200 dek Uyghurni öz aldigha seperge chiqqanliqi üchün qolgha aldi. Hökümet Uyghurlarning diniy pa'aliyetlirini térrorluqqa qarshi turush nami astida qattiq qolluq bilen cheklep kelmekte" dep yazghan.

Biraq, tetqiqatchi roséyin maqaliside eskertip, "Diniy erkinlik kapaletke ige qilinmighan teqdirde, rayondiki ziddiyet eksiche téximu ötkürliship kétidu" dégen we xitay hökümitini diniy pa'aliyetlerni kontrol qilish, cheklesh we din'gha ishen'güchilerge ziyankeshlik qiliwatqan barliq qanun-tüzümlirini emeldin qaldurushqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.