Moskwadiki xitay sodigerliri toplashqan bazarda axturush we tutqun qilish élip bérildi

Muxbirimiz ümidwar
2013.11.25

Rusiye paytexti moskwa shehiridiki asasliqi xitay sodigerliri merkezleshken liyublino bazirida uda üch qétim tuyuqsiz tekshürüsh we tutqun qilish élip bérilip, 700 din artuq adem qanunsiz köchmenlik süpiti bilen tutup kétilgen.

Xitay axbarat wasitiliri 19-20-we 25-noyabir künliridiki tuyuqsiz élip bérilghan tekshürüsh we tutqun qilishta asasliqi xitay sodigerlirining nishan qilin'ghanliqini xewer qildi. Rusiye xewer wasitiliri bolsa, “Zaslon-2” dep atalghan moskwa saqchilirining bu herikitide qanunsiz köchmenler we zeherlik chékimlikler we bashqa etkes mallar tekshürülgenlikini xewer qildi.

Saqchilar sodigerler we bazargha kelgen chet'elliklerning kimlikliri we wizilirini tekshürgen. Bundaq heriket ilgiri yene “Sadowoy” dep atalghan bazardimu élip bérilghan. Melum bolushiche, liyblino bazirida asasliqi xitaylar, ottura asiyaliqlar we wétnamliqlar soda qilidiken, lékin xitaylar köp sanliqni igilimeydiken. Bu bazarda mingdin artuq xitay sodigiri soda qilidiken.

Amérika awazining yézishiche, bu bazardiki xitay sodigerliri özlirining zor iqtisadiy ziyan tartqanliqi, saqchilarning partlighuch buyum izdeymiz dégen bahaniler bilen sodigerlerning mexpiy pul sanduqlirini axturup, ularning pullirini éliwalghanliqini shikayet qilghan. Xewerlerde körsitilishiche, moskwada xitay qaraqol guruhining herikiti küchiyip ketken bolup, ular mexpiy pul yötkesh we adem etkeschiliki qatarliq ishlar bilen shughullan'ghan.

2009-Yili, moskwa saqchiliri moskwa shehiridiki xitay sodigerliri merkezleshken chérkizowskiy bazirini tazilap, köp sanda qanunsiz xitay köchmenlirini tutqun qilghan we ularning dukanliri hem mallirini musadire qilghan idi.

Bu qétimqi weqedin kéyin xitayning moskwadiki elchixanisining xadimliri neq meydan'gha bérip, ehwal igiligen. Xitay puqraliri hazir özlirining rusiyede da'im zerbe bérish obyékti boluwatqanliqini we köp ziyan'gha uchrawatqanliqini shikayet qilishqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.