Xitay siyasiy kéngesh re'isi bu yil ikki qirghaq munasiwitining murekkep bolidighanliqini tekitlidi

Muxbirimiz ümidwar
2017.01.22


Xitay memliketlik siyasiy kéngesh re'isi we xitay kompartiyesi merkizi komitéti siyasiy byurosining da'imiy hey'et ezasi yü jéngshéng xitay kompartiyisi merkizi komitéti achqan teywen xizmiti yighinida 2017-yilida teywen we chong quruqluqtin ibaret ikki qirghaq munasiwetliri hem teywen weziyitining téximu murekkep we qattiq bolidighanliqini eskertken.

Shinxu'a torining xewer qilishiche, 2017-yilliq teywen xizmet yighini 20-yanwar küni béyjingda chaqirilghan bolup, yighinda söz qilghan yü jéngshéng “Her qandaq shekildiki teywen musteqilliq, bölgünchilik herikitige qet'iy qarshi turup, döletning igilik hoquqi we zémin pütünlükini qoghdash”ni tekitligen.

Yü jéngshéng sözide yene 2017-yilida merkizi komitétning orunlashturushi boyiche teywen xizmitini yaxshi ishleshni, teywendiki ikki qirghaq bir junggogha mensup dep qaraydighan siyasiy partiye, jem'iyet we teshkilatlar bilen ittipaqlishishni telep qilghan. U yene teywenliklerning chong quruqluqqa kélip oqush, ishqa orunlishish, igilik tiklishi we bashqilarda asanliq yaritip bérishni tekitligen.

B b s agéntliqining xewer qilishiche,béyjingda teywen xizmet yighini échilghan küni amérikada prézidént donald trampning prézidéntliq wezipisini tapshuruwélish qesemyad murasimi ötküzülgen idi.

Mutexessislerning tehlil qilishiche, amérika tramp hökümitining bolghusi teywen siyasiti xitayni endishilendürmekte. Donald tramp saylamda ghelibe qilghandin kéyin uning teywen prézidénti sey yingwén bilen téléfonda sözlishishi we xitayning bir junggo siyasiti heqqide oz qarishini otturigha qoyushi béyjingni bi'aram qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.