Йү җеңшең бейҗиңда ечиливатқан «икки йиғин» да тәйвән мустәқиллиқиға қәтий қарши туридиғанлиқини билдүргән

Мухбиримиз қутлан
2017-03-04
Share


«Америка авази» радийосиниң хәвиригә қариғанда, хитай мәмликәтлик сиясий кеңәшниң рәиси йү җеңшең җүмә күни бейҗиңда ечиливатқан «икки йиғин» да сөз қилип, тәйвән мустәқиллиқиға қәтий қарши турудиғанлиқини тәкитлигән.

У җүмә күни башланған хитай мәмликәтлик сиясий мәслиһәт кеңиши йиғиниң ечилиш мурасимида «тәйвән мустәқилчилири» ниң һәрқандақ шәкилдики «бөлгүнчилик һәрикәтлири» гә қарши туридиғанлиқини билдүргән. У сөзидә хитай сиясий кеңәш әзалириниң тәйвәндики асасий қатлам амма һәмдә яшлар билән болған алақисини йәниму күчәйтишини тәләп қилған.

Йү җеңшеңниң бу сөзи чәтәлләрдики тәйвәнликләр тәшкилати җаң кәйши армийәсиниң 1947-йили тәйвәндә елип барған «28-феврал қанлиқ қирғинчилиқи» ниң 70 йиллиқини хатириләватқан бир мәзгилгә тоғра кәлгән.

Игилинишичә, өткән йили 5-айда сәй йиңвен тәйвәнниң йеңи нөвәтлик президентлиқиға сайланғандин кейин, хитай чоң қуруқлиқиниң тәйвән билән болған мунасивити җиддийләшкән. Тәйвәнниң йеңи нөвәтлик һөкүмити сабиқ президент ма йиңҗюниң хитай билән йеқинлишиш муқамиға хатимә берип, тәйвәндики мутләқ көп қисим йәрлик хәлқниң мустәқиллиқ ғайисигә һөрмәт қилишқа башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.