Yü jéngshéng béyjingda échiliwatqan "Ikki yighin" da teywen musteqilliqigha qet'iy qarshi turidighanliqini bildürgen

Muxbirimiz qutlan
2017-03-04
Élxet
Pikir
Share
Print


"Amérika awazi" radiyosining xewirige qarighanda, xitay memliketlik siyasiy kéngeshning re'isi yü jéngshéng jüme küni béyjingda échiliwatqan "Ikki yighin" da söz qilip, teywen musteqilliqigha qet'iy qarshi turudighanliqini tekitligen.

U jüme küni bashlan'ghan xitay memliketlik siyasiy meslihet kéngishi yighining échilish murasimida "Teywen musteqilchiliri" ning herqandaq shekildiki "Bölgünchilik heriketliri" ge qarshi turidighanliqini bildürgen. U sözide xitay siyasiy kéngesh ezalirining teywendiki asasiy qatlam amma hemde yashlar bilen bolghan alaqisini yenimu kücheytishini telep qilghan.

Yü jéngshéngning bu sözi chet'ellerdiki teywenlikler teshkilati jang keyshi armiyesining 1947-yili teywende élip barghan "28-Féwral qanliq qirghinchiliqi" ning 70 yilliqini xatirilewatqan bir mezgilge toghra kelgen.

Igilinishiche, ötken yili 5-ayda sey yingwén teywenning yéngi nöwetlik prézidéntliqigha saylan'ghandin kéyin, xitay chong quruqliqining teywen bilen bolghan munasiwiti jiddiyleshken. Teywenning yéngi nöwetlik hökümiti sabiq prézidént ma yingjyuning xitay bilen yéqinlishish muqamigha xatime bérip, teywendiki mutleq köp qisim yerlik xelqning musteqilliq ghayisige hörmet qilishqa bashlighan.

Toluq bet