Хитай таҗикистан сақчи күчлиригә 150 миң доллар қиммитидә ярдәм бериду

Мухбиримиз үмидвар
2015-02-01
Share


Шаңхәй һәмкарлиқ тәшкилатиниң әзалири таҗикистан билән хитай арисидики бихәтәрлик саһәсидики һәмкарлиқлар давамлиқ күчәймәктә. Иқтисадий аҗиз таҗикистан хитайниң ярдәмлири вә сода - иқтисадий һәмкарлиқлириға болған еһтияҗини көрситип кәлмәктә. Өткән җүмә күни хитай таҗикистан сақчи күчлиригә 150 миң доллар қиммитидә ярдәм көрситидиғанлиқини билдүрди.

Таҗикистанниң асия - плус агентлиқиниң хәвәр қилишичә таҗикистан ички ишлар министири рамзан рәһимзадә җуңгониң таҗикистанда турушлуқ баш әлчиси билән көрүшкән болуп, учришиш хуласиси сүпитидә таҗикистан ички ишлар министирлиқи билән хитай җамаәт хәвпсизлик министирлиқи арисида хитайниң таҗикистан сақчи күчлириниң қишлиқ вә язлиқ алаһидә кийимлири үчүн 940 миң йүән, йәни 150 миң доллар ярдәм беридиғанлиқи һәққидики келишимгә имза қоюлған.

Учришиш җәрянида икки тәрәпниң терроризм, әсәбийлик вә бөлгүнчиликкә қарши һәмкарлиқлирини техиму күчәйтиш вә кеңәйтиш мәсилилири муһакимә қилинған.

Таҗикистан ички ишлар ,министири рамзан рәһимзадә бундақ учришишларниң икки тәрәп үчүн «пайдилиқ» икәнликини әскәрткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт