Xitayning ijtima'iy taratqu hujumliri bélgiyege yamrighan

Muxbirimiz eziz
2022.07.29
Share on WhatsApp
Share on WhatsApp

Xitay hökümitining ijtima'iy taratqular arqiliq bélgiye tor boshluqigha kéngiyiwatqanliqi yéqindin buyan köpligen tenqidlerge duch kelgen. Bolupmu birleshken döletler (b d t) kishilik hoquq aliy kéngishining re'‍si mishél bachélét (Michelle Bachelet) ning izchil halda Uyghurlar heqqidiki doklatni élan qilmay bésip yétiwélishi, eksiche xitay hökümitining Uyghurlar heqqide bir qatar saxta teshwiqat matériyallirini tor boshluqigha qoyup bérishi buni téximu yughuri pellige chiqarghan.

Bélgiyede chiqidighan “Apachi” gézitining 28-iyuldiki xewiride éytilishiche, bélgiye tordashliri yéqindin buyan YouTube ni échip “Shinjang” dep izdigende xitay kompartiyesi we hökümitining Uyghurlar heqqidiki “Ghemxorluqliri” téma qilin'ghan mezmunlarning yéghip kétidighanliqini bayqighan. Iyul éyidiki izdesh netijisi asasiy jehettin shinxu'a agéntliqining shi jipingning Uyghur diyaridiki ziyariti heqqide bergen xewerliri bilen toshup ketken. Xewerde éytilishiche, bélgiye parlaménti 2021-yili Uyghur qirghinchiliqini étirap qilish heqqide qarar alghan bolup, Uyghurlar heqqidiki saxta teshwiqat uchurlirining tor boshluqini bésip kétishi buninggha mas halda otturigha chiqqan.

Melum bolushiche, bélgiye tordashliri “Gogul xewerliri” dimu “Shinjang” dep izdigende oxshap kétidighan netijilerning körünidighanliqini, yene kélip gherb axbarat wasitilirini yalghanchiliqta eyibligen sin matériyallirining bekla köplükini bayqighan. Ular mushu ehwallarni omumlashturup, bélgiyede bu qeder keng yéyilghan xitay teshwiqatining sel chaghlashqa bolmaydighan mesile ikenlikini, hökümetning tézdin buninggha qarshi tedbir élishi lazimliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.