Хитай қайтурулған уйғурлар үчүн тайландақа тәшәккүр ейтқан

Мухбиримиз җүмә
2015-07-20
Share


“баңкок почтиси гезити” ниң 17 - июл хәвәр қилишичә, хитай даирилири хитайға берип тайландтин қайтурулған 109 уйғурниң әһвалини тәкшүргән тайланд вәкилләр өмикигә уйғурларниң әһвалидин узунға қалмай хәвәр беридиғанлиқини вә бу уйғурлар үчүн тәшәккүрейтидиғанлиқини билдүргән.

Өткән һәптә тайланд даирилири мәзкур дөләттә панаһланған 300 дин артуқ уйғур ичидин 109 нәпирини хитайға қайтуруп, хәлқаралиқ қаршилиққа дуч кәлгән.

Тайланд баш министири чаршәнбә күни өз дөләт хәвпсизлик кеңиши хадиминиң хитайға берип қайтурулған уйғурларниң әһвални игиләйдиғанлиқини билдүргән иди.

Пәйшәнбә күни тайланд хәвпсизлик кеңишиниң баянатчиси сансерн кавкамнерд мунда дегән “хитай тайландниң қанунсиз көчмәнләр мәсилисини бир тәрәп қилишта хәлқара йосунларға бой сунғанлиқидин миннәтдар икәнликини билдүрди.”

Хитайниң уйғур мусапирларни өткүзүвалғанда тайланд тәрәпкә немә дәп вәдә бәргәнлики мәлум әмәс.

Әмма хитайлар 109 нәпәр уйғурни өз қолиға алғандин кейинла буларни “чәтәлләрдә қанунсиз қачқан җиһадчилар” дәп хәвәр қилған иди.

Тайланд вәкилләр өмики сәйшәнбә күнидин җүмә күнигичә хитайда зиярәттә болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт