Хитай бу йил уйғур елидә 30 милярд куб метирдин артуқ тәбиий газ ишләп чиқарған

Мухбиримиз җүмә
2015-12-27
Share


"хитай күндилик гезити" ниң хәвәр қилишичә, уйғур елидә бу йил ишләп чиқирилған тәбиий газ 30 милярд куб метирдин ешип кәткән.

Хәвәрдә санлиқ мәлуматлардин нәқил елип көрситишичә, бу йил қарамай, тарим, турпан - қумул нефитликлиридин елинған омумий тәбиий газ миқдари җәмий 30 милярд 50 милйон куб метирға йәткән.

Мәлум болушичә, юқириқи нефитликләрдин өткән йили елинған омумий тәбиий миқдари 29 милярд 600 милйон куб метирға йетип, пүтүн хитайда ишләп чиқирилған тәбиий газ миқдариниң 22 пирсәнтини тәшкил қилған икән.

Хәвәрдә мундақ дейилгән: "шинҗаңниң тәбиий газ ишләп чиқиришни күчәйтиш, хитайниң тәбиий газ санаити вә райондики пакиз енергийә ишлитиш тәрәққиятини илгири сүрди."

Җуңго уйғурчә радио ториниң 22 - июндики хәвиригә қариғанда, 2004 - йилидин буян "шәрқиниң газини ғәрбкә йөткәш туруба линийәси арқилиқ тарим нефитликидин шәрққә тошулған тәбиий газлар хваңхе вә чаңҗяң дәрялириниң төвән еқинидики 15 өлкә, шәһәрдики 400 милйонға йеқин хитай аһалиси вә 3 миңдин артуқ хитай карханисиниң енергийә еһтияҗини қамдап кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт