Xitay bu yil Uyghur élide 30 milyard kub métirdin artuq tebi'iy gaz ishlep chiqarghan
“Xitay kündilik géziti” ning xewer qilishiche, Uyghur élide bu yil ishlep chiqirilghan tebi'iy gaz 30 milyard kub métirdin éship ketken.
Xewerde sanliq melumatlardin neqil élip körsitishiche, bu yil qaramay, tarim, turpan - qumul néfitlikliridin élin'ghan omumiy tebi'iy gaz miqdari jem'iy 30 milyard 50 milyon kub métirgha yetken.
Melum bolushiche, yuqiriqi néfitliklerdin ötken yili élin'ghan omumiy tebi'iy miqdari 29 milyard 600 milyon kub métirgha yétip, pütün xitayda ishlep chiqirilghan tebi'iy gaz miqdarining 22 pirsentini teshkil qilghan iken.
Xewerde mundaq déyilgen: “Shinjangning tebi'iy gaz ishlep chiqirishni kücheytish, xitayning tebi'iy gaz sana'iti we rayondiki pakiz énérgiye ishlitish tereqqiyatini ilgiri sürdi.”
Junggo Uyghurche radi'o torining 22 - iyundiki xewirige qarighanda, 2004 - yilidin buyan “Sherqining gazini gherbke yötkesh turuba liniyesi arqiliq tarim néfitlikidin sherqqe toshulghan tebi'iy gazlar xwangxé we changjyang deryalirining töwen éqinidiki 15 ölke, sheherdiki 400 milyon'gha yéqin xitay ahalisi we 3 mingdin artuq xitay karxanisining énérgiye éhtiyajini qamdap kelgen.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- “Xitayning dölet halqighan basturush xewpi we buninggha qarshi amérikaning inkasi”
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- Doktor adriyan zénz gérmaniyediki Uyghur jama'iti teripidin qizghin alqishlandi
- Arfiye éri yaponiye siyasiy sehniside zor diqqet qozghimaqta
