Сенатор тед кируз: "хитай-америка үчүн әң чоң тәһдит"

Мухбиримиз нуриман
2021-03-02
Share

Америка дөләт мәҗлисиниң әзаси тед кируз 2-март күни дөләт мәҗлисидә сөз қилип, хитайниң америкаға әң чоң тәһдит икәнликини тәкитлигән.

У сөзидә хуавей ширкитиниң хитай компартийәсиниң садиқ җасуслуқ оргини икәнликини, американиң чоқум бу ширкәтни өзиниң көзитиш вә диққәт қилиш тизимликигә киргүзүши керәкликини әскәрткән. У йәнә хитайниң кәлгүсидә американиң дөләт хәвпсизликигә нисбәтән әң чоң гео-сиясий тәһдит шәкилләндүридиған бир күч болуп қалидиғанлиқини қайта-қайта тилға алған.

У мундақ дегән: "хитайдин келидиған тәһдитлиригә тақабил туруш үчүн төвәндики төт тәдбирини елишимиз керәк: биринчи, өзимизни хитайниң җасуслуқ һәрикәтлири вә униң бузғунчлиқидин қоғдишимиз керәк; иккинчи, муһим байлиқ мәнбәлиримизниң тәминләш линийәсидин хитайни айрип ташлишимз вә уларни америкаға қайтуруп келишимиз керәк; үчинчи, барлиқ сода-санаәтлиримизни хитайниң системилиқ қийин-қистақ, өлтүрүш вә ирқий қирғинчилиқини өз ичигә алған кишилик һоқуқ дәпсәндичиликлиригә арилишип қилиштин сақлишимиз керәк; төтинчи, дөләт мәнпәәтимизни қоғдаш үчүн кәскин риқабәткә тайярлинишимиз керәк."

Америка дөләт мәҗлисиниң кеңәш палата әзаси тед кируз изчил һалда американиң хитайға қарши қаттиқ позитсийәдә болушини тәшәббус қилип келиватқан сиясәтчиләрниң бири. "бир америка" хәвәр ториниң даңлиқ риясәтчиси лиз велир өз пирограммисида тед кирузни "җигәрлик кеңәш палата әзаси" дәп тәриплигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт