Sénator téd kiruz: "Xitay-amérika üchün eng chong tehdit"

Muxbirimiz nur'iman
2021-03-02
Share

Amérika dölet mejlisining ezasi téd kiruz 2-mart küni dölet mejliside söz qilip, xitayning amérikagha eng chong tehdit ikenlikini tekitligen.

U sözide xu'awéy shirkitining xitay kompartiyesining sadiq jasusluq orgini ikenlikini, amérikaning choqum bu shirketni özining közitish we diqqet qilish tizimlikige kirgüzüshi kéreklikini eskertken. U yene xitayning kelgüside amérikaning dölet xewpsizlikige nisbeten eng chong gé'o-siyasiy tehdit shekillendüridighan bir küch bolup qalidighanliqini qayta-qayta tilgha alghan.

U mundaq dégen: "Xitaydin kélidighan tehditlirige taqabil turush üchün töwendiki töt tedbirini élishimiz kérek: birinchi, özimizni xitayning jasusluq heriketliri we uning buzghunchliqidin qoghdishimiz kérek؛ ikkinchi, muhim bayliq menbelirimizning teminlesh liniyesidin xitayni ayrip tashlishimz we ularni amérikagha qayturup kélishimiz kérek؛ üchinchi, barliq soda-sana'etlirimizni xitayning sistémiliq qiyin-qistaq, öltürüsh we irqiy qirghinchiliqini öz ichige alghan kishilik hoquq depsendichiliklirige ariliship qilishtin saqlishimiz kérek؛ tötinchi, dölet menpe'etimizni qoghdash üchün keskin riqabetke tayyarlinishimiz kérek."

Amérika dölet mejlisining kéngesh palata ezasi téd kiruz izchil halda amérikaning xitaygha qarshi qattiq pozitsiyede bolushini teshebbus qilip kéliwatqan siyasetchilerning biri. "Bir amérika" xewer torining dangliq riyasetchisi liz wélir öz pirogrammisida téd kiruzni "Jigerlik kéngesh palata ezasi" dep teripligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet