Amérikaliq yuqiri derijilik herbiy qomandan: "Xitay amérikaning ornini igilesh pilanini tézlitiwatidu"

Muxbirimiz irade
2021-03-11
Share

Amérikaning yuqiri derijilik herbiy qomandani "Xitay dunya sehniside amérikaning ornini igilesh pilanini tézlitiwatidu" dep agahlandurdi.

Amérikaning asiya-tinch okyandiki yuqiri derijilik herbiy emeldari admiral filip dawidson amérika dölet mejlisi qoralliq qisimlar komitétida échilghan ispat anglash yighinida xitay tehditi heqqide noqtiliq toxtalghan. U mundaq dégen: "Men xitayning amérikining ornini igilesh pilanini we bizning qanun asasidiki xelq'ara tertiptiki rehberlik rolimizni tartiwélish pilanini tézlitiwatqanliqidin ensireymen. Ular uzundin buyan buni 2050-yilghiche ishqa ashurudighanliqini dep kelgen, menche, ular nishanigha intayin téz yéqinlishiwatidu"

Admiral filip dawidson yene xitayning kelgüsi 6 yilda teywenni bésiwélishi mumkinlikini agahlandurghan. U u sözide: "Teywen éniqki ularning nishanlirining biri. Men bu tehditni aldimizdiki on yilda hetta kelgüsi alte yilda özini körsitidu dep qaraymen," dégen.

U 9-mart seyshenbe küni échilghan ispat anglash yighinida xitayni "21-Esirning xewpsizlikige bolghan eng uzun muddetlik istratégiyilik tehdit" dep, "Amérika béyjing peyda qiliwatqan tehditlerge qarita diqqetni ashurushi, ilgiriki sel qarash pozitsiyesini tekrarlimasliqi kérek", dégen.

Dawidson shu künki sözide yene xitay tereqqiy qilduruwatqan sistéma we iqtidarlarning uning tajawuzchiliq xaraktérini ochuq körsitip béridighanliqini, xitay özini ewel orunda dep qarighan haman uni choqum qollinishqa urunidighanliqini bildürgen. U buninggha misal körsetkende xitayning xongkongda, Uyghur élida qiliwatqanlirini we hindistan bilen bolghan chigra toqunushidiki pozitsiyelirini misalgha élip, "Bundin kéyin oxshash ishlar gu'am we teywende yüz bérishi mumkin," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet