Хитай тәһдити японийәни 2-дуня урушидин кейинки пассип мудапийә йолидин йирақлаштурған

Мухбиримиз әркин
2022.05.23

Хитай тәһдитиниң күнсери күчийиши японийәни 2-дуня урушидин кейин йүргүзүп кәлгән пассиплиқ сиясити, йәни пассип мудапийә сияситидин йирақлаштурушқа башлиған. Америка кабеллиқ хәвәрләр тори - CNN ниң хәвәр қилишичә, русийә бу йил 2-айда украинаға таҗавуз қилғандин кейин, японийә баш вәзири фомио кишида русийәгә җаза йүргүзүпла қалмай, хитайниң һинди-тинч окран районидики кеңәймичилик һәркитини русийәниң явропадики һәркити билән охшаш ‍орунға қоюп, демократийәни қоғдаш үчүн һәрикәткә өткән.

CNN Ниң 23-май елан қилған бу һәқтики бир хәвәр анализида, фумио кишиданиң явропа рәһбәрлири билән елан қилған қошма баянатидиму бу нуқта әкс-әткән. Баянатта “қәйәрдә болмисун, биз мәвҗут һаләтни күч билән өзгәртишкә қаттиқ қарши туримиз” дәп көрситилгәнлики, шуниң билән бир вақитта, хитайниң исмини тилға алмиған болсиму, әмма “җәнубий деңизниң һәрбийләштүрүлүши, мәҗибурлаш вә қорқутушқа даир хәвәрләрдин җиддий әндишә қилмақтимиз” дәп әскәртилгәнлики тәкитләнгән.

Хәвәрдә ейтилишичә, японийәдә һакимийәт бешидики партийәниң бу йил 4-айда дөләт мудапийә чиқимини бир пирсәттин икки пирсәнткә өстүрүш тоғрисида хамчот қанун лайиһәсини сунуп, ш а ә т (NATO) әзалириға маслаштуруши, шундақла “қайтурма зәрбә бериш иқтидари” ни үстүрүшни ‍отториға қоюши, “японийәниң узундин бери йолға қоюп кәлгән пассип сияситидики чоң өзгиришниң ипадиси” икән.

Хәвәрдә йәнә японийәниң һәрбий чиқимға селинмни көпәйтипла қалмай, бәлки дипломатийәниму ишқа селип, райондики вә униң сиртидики дөләтләр билән болған мунасивитини күчәйтиватқанлиқини билдүргән. CNN Ниң ейтишичә, америка, японийә, һиндистан вә австралийә қатарлиқ төт дөләт гуруһиниң 24-май токйода өткүзүлидиған учришишиму японийәниң “әркинлик вә гүллиниш” пиланиға мас бир бирләшмәсәп тәшкил қилишни қоғлишидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.