Xitay tehditi yaponiyeni 2-dunya urushidin kéyinki passip mudapiye yolidin yiraqlashturghan

Muxbirimiz erkin
2022.05.23
Share on WhatsApp
Share on WhatsApp

Xitay tehditining künséri küchiyishi yaponiyeni 2-dunya urushidin kéyin yürgüzüp kelgen passipliq siyasiti, yeni passip mudapiye siyasitidin yiraqlashturushqa bashlighan. Amérika kabélliq xewerler tori - CNN ning xewer qilishiche, rusiye bu yil 2-ayda ukra'inagha tajawuz qilghandin kéyin, yaponiye bash weziri fomi'o kishida rusiyege jaza yürgüzüpla qalmay, xitayning hindi-tinch okran rayonidiki kéngeymichilik herkitini rusiyening yawropadiki herkiti bilen oxshash ‍orun'gha qoyup, démokratiyeni qoghdash üchün heriketke ötken.

CNN Ning 23-may élan qilghan bu heqtiki bir xewer analizida, fumi'o kishidaning yawropa rehberliri bilen élan qilghan qoshma bayanatidimu bu nuqta eks-etken. Bayanatta “Qeyerde bolmisun, biz mewjut haletni küch bilen özgertishke qattiq qarshi turimiz” dep körsitilgenliki, shuning bilen bir waqitta, xitayning ismini tilgha almighan bolsimu, emma “Jenubiy déngizning herbiyleshtürülüshi, mejiburlash we qorqutushqa da'ir xewerlerdin jiddiy endishe qilmaqtimiz” dep eskertilgenliki tekitlen'gen.

Xewerde éytilishiche, yaponiyede hakimiyet béshidiki partiyening bu yil 4-ayda dölet mudapiye chiqimini bir pirsettin ikki pirsentke östürüsh toghrisida xamchot qanun layihesini sunup, sh a e t (NATO) ezalirigha maslashturushi, shundaqla “Qayturma zerbe bérish iqtidari” ni üstürüshni ‍ottorigha qoyushi, “Yaponiyening uzundin béri yolgha qoyup kelgen passip siyasitidiki chong özgirishning ipadisi” iken.

Xewerde yene yaponiyening herbiy chiqimgha sélinmni köpeytipla qalmay, belki diplomatiyenimu ishqa sélip, rayondiki we uning sirtidiki döletler bilen bolghan munasiwitini kücheytiwatqanliqini bildürgen. CNN Ning éytishiche, amérika, yaponiye, hindistan we awstraliye qatarliq töt dölet guruhining 24-may tokyoda ötküzülidighan uchrishishimu yaponiyening “Erkinlik we güllinish” pilanigha mas bir birleshmesep teshkil qilishni qoghlishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet