Министир чад волф: "хитайдин келиватқан тәһдитләрни қәтий тосушимиз лазим!"

Мухбиримиз әзиз
2020-07-29
Share

Америка дөләт хәвпсизлики министирлиқиниң мувәққәт министири чад волф йеқинда министирлиқ қармиқида "хитай хизмәт гурупписи" тәсис қилди һәмдә буниңдики мәқсәт америка туприқиға хитайдин келиватқан түрлүк тәһдитләрниң алдини елиш икәнликини билдүрди.

Мәзкур министирлиқниң тор бетидики хәвәрдә ейтилишичә, йеқинқи мәзгилләрдә хитай компартийәсиниң сода, тор бихәтәрлики, көчмәнләр мәсилиси вә әқлий мүлүк саһәсидики яман ғәрәзлик һәрикәтлири барғансери көпәйгән. Министир чад волф бу һәқтә сөз қилип: "йеңидин қурулған бу хизмәт гурупписи дөлитимиз дуч келиватқан мушу хилдики тәһдитләргә тақабил турушни муһим нишан қилиду," дегән.

Мәзкур гуруппиниң йеқин кәлгүсидики хизмәт пиланида хитайниң сүпәтсиз яки чәкләнгән теббий мәһсулатларни америка базириға әкиришини чәкләш, әқлий мүлүк оғрилиқи билән шуғуллиниш еһтималлиқи болған хитай оқуғучиларға виза бәрмәслик, милйонлиған уйғурға четилиған мәҗбурий әмгәк мәһсулатлирини мусадирә қилиш, қатарлиқ мәзмунлар бар икән.

Мәлум болушичә, мәзкур гуруппа америка һөкүмити қармиқидики башқа бөлүмләр билән зич һәмкарлишип, хитайниң америка хәлқи вә һөкүмиитниң мәнпәәтлиригә зиян селишини әң төвән чәккә чүшүрүш үчүн хизмәтни башливәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт