Уйғурлар австралийә парламентида хитайниң тәһдит вә паракәндичиликигә учраватқанлиқини паш қилди

Мухбиримиз әркин
2020-10-09
Share

Австиралийәдики уйғурлар 9-өктәбир австралийә парламентида гуваһлиқ берип, хитайниң австралийәдики уйғурларға тәһдит вә паракәндичилик селиватқанлиқини билдүргән. Уларниң тәкитлишичә, бу хил тәһдит вә паракәндичилик австиралийәдики уйғурларниң хитай һөкүмитигә қарши сөз қилишиға тосқунлуқ қилмақтикән. Йиғинда викторийә уйғур җәмийитиниң рәиси алим осман билән австралийә тәңритағ уйғур аяллири җәмийитиниң рәиси рамилә чанишеф қатарлиқлар гуваһлиқ бәргән.

Австралийә "муһапизәтчи" гезитиниң хәвәр қилишичә, йиғинда алим осман уйғурларниң әндишә ичидә ясайдиғанлиқини билдүрүп, "әгәр мән вәтәндики хәлқим үчүн сөз қилсам вәтәндә қалған аиләмниң өч елишқа учришидин әндишә қилимән. Сөзлимәй десәм, өзүмни әркин бир дөләттә демократийә вә әркинликни пәқәт өзүм үчүн сақлап қойғандәк гунаһкар һес қилимән" дегән. Униң тәкитлишичә, "бу австралийәдә яшайдиған уйғурлардики ортақ һессият" икән.

Йиғинда рамилә чанишеф, "хитай компартийәсиниң зулуми вә уйғурни контрол қилиши қорқунчлуқ сүрәттә күчәйгәнлики", нөвәттә "кишиләрниң җазалинип кетишидин әнсирәп аилисигә телефонму қилалмайдиғанлиқи" ни билдүргән. У йәнә австралийә һөкүмитиниң уйғурларға панаһлиқ визиси беришни тезлитиши, уйғур ишлириға қарайдиған мәхсус әмәлдар тәйинлишини тәләп қилған. Бу қетимқи гуваһлиқ йиғини австралийә парламентиниң ташқи ишлар, мудапиә вә сода комитети тәрипидин чақирилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт