Uyghurlar awstraliye parlaméntida xitayning tehdit we parakendichilikige uchrawatqanliqini pash qildi

Muxbirimiz erkin
2020-10-09
Share

Awstiraliyediki Uyghurlar 9-öktebir awstraliye parlaméntida guwahliq bérip, xitayning awstraliyediki Uyghurlargha tehdit we parakendichilik séliwatqanliqini bildürgen. Ularning tekitlishiche, bu xil tehdit we parakendichilik awstiraliyediki Uyghurlarning xitay hökümitige qarshi söz qilishigha tosqunluq qilmaqtiken. Yighinda wiktoriye Uyghur jem'iyitining re'isi alim osman bilen awstraliye tengritagh Uyghur ayalliri jem'iyitining re'isi ramile chanishéf qatarliqlar guwahliq bergen.

Awstraliye "Muhapizetchi" gézitining xewer qilishiche, yighinda alim osman Uyghurlarning endishe ichide yasaydighanliqini bildürüp, "Eger men wetendiki xelqim üchün söz qilsam wetende qalghan a'ilemning öch élishqa uchrishidin endishe qilimen. Sözlimey désem, özümni erkin bir dölette démokratiye we erkinlikni peqet özüm üchün saqlap qoyghandek gunahkar hés qilimen" dégen. Uning tekitlishiche, "Bu awstraliyede yashaydighan Uyghurlardiki ortaq héssiyat" iken.

Yighinda ramile chanishéf, "Xitay kompartiyesining zulumi we Uyghurni kontrol qilishi qorqunchluq sür'ette kücheygenliki", nöwette "Kishilerning jazalinip kétishidin ensirep a'ilisige téléfonmu qilalmaydighanliqi" ni bildürgen. U yene awstraliye hökümitining Uyghurlargha panahliq wizisi bérishni tézlitishi, Uyghur ishlirigha qaraydighan mexsus emeldar teyinlishini telep qilghan. Bu qétimqi guwahliq yighini awstraliye parlaméntining tashqi ishlar, mudapi'e we soda komitéti teripidin chaqirilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet