Америка билән фирансийә хитай тәһдитигә қарши пикир бирлики һасил қилған

Мухбиримиз әркин
2021-06-28
Share

Америка ташқи ишлар министири антоний блинкен өткән һәптә фирансийәгә қилған зияритидә фирансийә билән хитай тәһдити тоғрисида пикир бирлики һасил қилғанлиқини билдүргән. "ню-йорк вақти" гезитиниң билдүрүшичә, блинкен мәзкур гезитниң зияритини қобул қилғанда, фирансийә билән америка хитай башчилиқидики дуня тәртипиниң "чоңқур ғәйрий либерал маһийити" гә қарши турушта ахири "охшаш нуқтиға" кәлгәнликини ейтқан

Блинкен мундақ дегән: "бизниң мәқситимиз хитайни сиртта қалдуруш яки хитайни тосуш әмәс. Бирақ әркин вә очуқ хәлқара тәртипни қоғдашқа кәлгәндә биз орнимиздин туримиз" дегән. Блинкен 25-июндин 29-июнғичә явропадики германийә, фирансийә, италийә, ватикан қатарлиқ дөләтләрни зиярәт қилишқа башлиған. У германийә зияритидә уйғурлар мәсилисини тилға елип, германийә ширкәтлирини хитайниң уйғурларни дәпсәндә қилишидин пайдиға еришишкә урунмаслиқни агаһландурғаниди.

Блинкенниң билдүрүшичә, у фирансийәдә президент макрон билән көрүшкәндә һәр икки тәрәп америка билән фирансийәниң хитай мәсилисидә охшаш бир сәһипидә ‍тикәнликини илгири сүргән. Бу, блинкенниң шималий атлантик ‍окян әһди тәшкилатиниң 14-июн белгийәниң бирюссел шәһиридә ‍өткүзүлгән башлиқлар йиғини хитайни "системилиқ хирис" дәп елан қилғандин кейин явропани зиярәт қилишидур.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт