Amérika bilen firansiye xitay tehditige qarshi pikir birliki hasil qilghan

Muxbirimiz erkin
2021-06-28
Share

Amérika tashqi ishlar ministiri antoniy blinkén ötken hepte firansiyege qilghan ziyaritide firansiye bilen xitay tehditi toghrisida pikir birliki hasil qilghanliqini bildürgen. "Nyu-york waqti" gézitining bildürüshiche, blinkén mezkur gézitning ziyaritini qobul qilghanda, firansiye bilen amérika xitay bashchiliqidiki dunya tertipining "Chongqur gheyriy libéral mahiyiti" ge qarshi turushta axiri "Oxshash nuqtigha" kelgenlikini éytqan

Blinkén mundaq dégen: "Bizning meqsitimiz xitayni sirtta qaldurush yaki xitayni tosush emes. Biraq erkin we ochuq xelq'ara tertipni qoghdashqa kelgende biz ornimizdin turimiz" dégen. Blinkén 25-iyundin 29-iyun'ghiche yawropadiki gérmaniye, firansiye, italiye, watikan qatarliq döletlerni ziyaret qilishqa bashlighan. U gérmaniye ziyaritide Uyghurlar mesilisini tilgha élip, gérmaniye shirketlirini xitayning Uyghurlarni depsende qilishidin paydigha érishishke urunmasliqni agahlandurghanidi.

Blinkénning bildürüshiche, u firansiyede prézidént makron bilen körüshkende her ikki terep amérika bilen firansiyening xitay mesiliside oxshash bir sehipide ‍tikenlikini ilgiri sürgen. Bu, blinkénning shimaliy atlantik ‍okyan ehdi teshkilatining 14-iyun bélgiyening biryussél shehiride ‍ötküzülgen bashliqlar yighini xitayni "Sistémiliq xiris" dep élan qilghandin kéyin yawropani ziyaret qilishidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet