Америка истихбарат хадимлири хитайни америка үчүн "биринчи номурлуқ тәһдит" дегән

Мухбиримиз ирадә
2018-09-06
Share

Америка дөләтлик җасуслуққа қарши туруш вә хәвпсизлик мәркизиниң башлиқи вилям иванина хитайниң америкида йиллардин бери васитә таллимай җасуслуқ һәрикити елип барғанлиқини билдүргән.

Иванина бу сөзни америкидики CBS хәвәр қанилиниң зияритини қобул қилғанда ейтқан болуп, у "хитай җасуслуқ паалийәтлирини америкиниң илмий органлири, сода-санаәт, тәтқиқат вә тәрәққият саһәлиригә қаратти. Хитайниң җасуслуқ нишани америка һөкүмитигиму қаритилған, әлвәттә," дегән.

Вилям иванина сөзидә хитайниң җасуслуқ паалийәтлириниң наһайити кәң көләмлик икәнликини шәрһләп: "уларниң җасуслуқ қилишта һечқандақ васитә таллимаслиқи бизни амалсиз қоюватиду, федиратсийә тәкшүрүш идариси өткән йили ичидә хитайға ишпийонлуқ қилғанлиқи үчүн қолға алған кишиләрниң сани қош рәқәмгә йәтти," дегән.

Америка истихбарат органлири йеқиндин буян хитайниң америкиға қаратқан җасуслуқ һәрикәтлири һәққидә америка һөкүмитини җиддий йосунда агаһландурмақта.

Бу йил 6-айда америка федиратсийә тәкшүрүш идарисиниң башлиқи кристофер рейму бир йиғинда қилған сөзидә хитайниң америкидики җасуслуқ паалийәтлириниң көлиминиң кәңлики, муһимлиқ дәриҗиси вә алдин мөлчәрләш қийин болуштәк амилларни нәзәрдә тутқанда буниңға қәтий сәл қарашқа болмайдиғанлиқини әскәрткән иди.

Вилям иванинаму сөзидә "русийә вә иранға селиштурғанда, хитай биринчи номурлуқ хәвп, у америка дөләт хәвпсизлики үчүн әң зор тәһдит," дәп көрсәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт