B d t emeldari xitayni b d t xadimlirining Uyghur rayonida tekshürüsh élip bérishini cheklesh bilen tenqid qildi

Muxbirimiz erkin
2018-06-18
Élxet
Pikir
Share
Print

B d t ning kishilik hoquq aliy emeldari düshenbe küni xitayni b d t kishilik hoquq méxanizmining xizmitige kashila peyda qilish bilen eyibligen.

B d t kishilik hoquq kéngishining 38-nöwetlik yighini düshenbe küni bashlan'ghan idi. B d t kishilik hoquq aliy komissari ra'ad el höseyin yighinning échilish murasimida nutuq sözlep, xitayni b d t xadimlirining Uyghur rayonida tekshürüsh élip bérishi we b d t kishilik hoquq méxanizmining xizmitige kashila qilish bilen tenqid qilghan.

U sözide, özining qol astidiki xadimlar xitay bilen ünümlük di'alog qurushqa tirishchanliq körsetken bolsimu, lékin ularning "Xitayda jümlidin tibet aptonom rayoni bilen shinjang Uyghur aptonom rayonidin ibaret kishilik hoquq weziyiti téz nacharliship kétiwatqan bu ikki rayonda, kashilisiz tekshürüsh élip bérishigha yol qoyulmighanliqi" ni tekitligen.

Ra'ad el höseyin sözide Uyghur rayonidiki yighiwélish lagérlirini tilgha almighan bolsimu, lékin xelq'ara jama'etning diqqitini lagérlargha merkezlishiwatqan mezgilde xitayni bu rayonda tekshürüsh élip bérishqa kashila qilish bilen eyibligen.

Ra'ad el hüseyinning körsitishiche, xitay yéqinqi 5 yil ichide b d t tekshürüsh guruppisining peqet 2 qétim xitayni ziyaret qilishigha yol qoyghan. U, xitayning yene 15 ziyaret qilish telipige jawab bermigenlikini bildürgen.

Ra'ad el höseyin yene xitayning musteqil ammiwi teshkilatlirining pa'aliyetlirige kashila peyda qiliwatqanliqini eyiblep, "Men da'irilerni barliq tereplerning xelq'ara kishilik hoquq méxanizmgha töhpe qoshushigha imkaniyet yaritip bérishke ündeymen" dégen. Xitay hökümiti yéqinda d u q wekilining b d t yighinigha qatnishishigha kashila peyda qilip, b d t da küchlük munazire qozghilishqa seweb bolghan idi.

Toluq bet