Хитай, еғирлиқ көтүрүш түридики хәлқаралиқ мусабиқиләрдин бир йил чәклинидикән
Хәлқара еғирлиқ көтүрүш тәнһәрикити федератсийәси пәйшәнбә күни хитайниң мәзкур тәнһәрикәт түридики мусабиқиләрдин бир йил муддәт бойичә чәклинидиғанлиқини җакарлиди.
Бирләшмә агентлиқиниң хәвиридин қариғанда, хитайниң 2008- йилидики бейҗиң олимпик мусабиқисидә айрим - айрим һалда алтун медалға еришкән 3 нәпәр еғирлиқ көтүрүш тәнһәрикәтчисиниң күчләндүрүш дориси қолланғанлиқи мәлум болған. Қайта - қайта елип берилған синақлардин охшаш нәтиҗә чиқип, хитайниң сахтипәзлик ишләткәнлики дәлилләнгән. Химийилик мадда ишлитип туруп алтун медал алған бу үч нәпәр тәнһәрикәтчиниң исми савлей, чен шйешя вә лю чүнхоң икән.
Мәлум болушичә, хитай 2000- йилидики олимпик мусабиқилиридин башлап, еғирлиқ көтүрүш түридә әң көп медал қазанған. Бу қетим рийоди җанирода өткүзүлгән олимпик мусабиқисидиму хитай 7 медал алған болуп, униң бәши алтун медал икән.
Бу нөвәтлик олимпик мусабиқисидә һазирғичә қирғизистандин кәлгән еғирлиқ көтүрүш маһири иззәт артиковниң юқириқидәк күчләндүрүш дориси қолланғанлиқи мәлум болған вә униң мис медали инавәтсиз қилинған иди.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
- Норвегийәдә “шәрқий түркистан әркинлик лоңқисини талишиш” путбол мусабиқиси башланди
- Хәлқара диний әркинлик алий кеңишидә чақниған уйғур мәсилиси (нәзәр 74-сан)
