Xitay, éghirliq kötürüsh türidiki xelq'araliq musabiqilerdin bir yil cheklinidiken
2016.08.25
Xelq'ara éghirliq kötürüsh tenherikiti fédératsiyesi peyshenbe küni xitayning mezkur tenheriket türidiki musabiqilerdin bir yil muddet boyiche cheklinidighanliqini jakarlidi.
Birleshme agéntliqining xewiridin qarighanda, xitayning 2008- yilidiki béyjing olimpik musabiqiside ayrim - ayrim halda altun médalgha érishken 3 neper éghirliq kötürüsh tenheriketchisining küchlendürüsh dorisi qollan'ghanliqi melum bolghan. Qayta - qayta élip bérilghan sinaqlardin oxshash netije chiqip, xitayning saxtipezlik ishletkenliki delillen'gen. Ximiyilik madda ishlitip turup altun médal alghan bu üch neper tenheriketchining ismi sawléy, chén shyéshya we lyu chünxong iken.
Melum bolushiche, xitay 2000- yilidiki olimpik musabiqiliridin bashlap, éghirliq kötürüsh türide eng köp médal qazan'ghan. Bu qétim riyodi janiroda ötküzülgen olimpik musabiqisidimu xitay 7 médal alghan bolup, uning beshi altun médal iken.
Bu nöwetlik olimpik musabiqiside hazirghiche qirghizistandin kelgen éghirliq kötürüsh mahiri izzet artikowning yuqiriqidek küchlendürüsh dorisi qollan'ghanliqi melum bolghan we uning mis médali inawetsiz qilin'ghan idi.