Xitay xelq qurultiyi “Térrorluqqa qarshi turush qanuni”ni resmiy muzakirige qoydi

Muxbirimiz erkin
2015.02.25


Xitay xelq qurultiyi da'imi komitéti charshenbe küni xitayning “Térrorluqqa qarshi turush qanun layihesi”ni qurultay ezalirining resmiy muzakirisige qoyghan. Mezkur qanun layihesi kishilik hoquq teshkilatlirining tenqidige uchrap, qanun layiheside bezi radikal söz we pikirlerning térrorluq katigoriyesige élin'ghanliqini eyibligen idi.

Shinxu'a agéntliqining ashkarilishiche, charshenbe küni qanun layihesige qismen tüzitish kirgüzülgen. Qanun layihesining burunqi nusxisida “Zorawanliq, buzghunchiliq, tehdit we ijtima'iy parakendichilikke da'ir, jama'et xewpsizlikige buzghunchiliq qilidighan, dölet organlirigha we xelq'ara teshkilatlargha tehdit salidighan her qandaq söz, heriket, oy - pikir térrorluq” dep izahat bbérilgen idi.

Biraq, charshenbe küni layihediki “Oy - pikir” dégen söz chiqiriwétilip, yuqiriqi“Söz we heriketler térrorluq” dep izahlan'ghan. Mezkur qanun layihesi 2014 - yili öktebirde xitay xelq qurultiyigha sunulghan idi. Xitay hökümiti mezkur qanun térrorluqqa qarshi turush herikitini qanuniy izgha sélip, amanliq organlirining herikitini kontrol qilidu, dep körsetsimu, biraq Uyghur kishilik hoquq organliri qanun layiheside xitay amanliq küchlirining Uyghurlarni basturushi qanunlashturulghanliqini ilgiri sürüp keldi.

Kishilik hoquq organlirining körsitishiche, xitayning térrorluqqa qarshi turush qanun layihesi intayin ilastik. Uning bu qanunni qollinip, tinch Uyghur öktichilirini we kishilik hoquq qoghdighuchilirini basturush éhtimali zor. Amérika erkinlik sariyi peyshenbe küni dölet ishlar ministiri jon keriyge xet yollap, amérikining bu xil qanunlargha qarshi qandaq qilidighanliqini sorighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.