Хитай террорлуққа қарши 3-қетимлиқ зәрбидарлар әтрити қурғанлиқини елан қилди

Мухбиримиз сада
2019-08-21
Елхәт
Пикир
Share
Принт

Хитай һөкүмити уйғур дияриға қарита йеңидин террорлуққа қарши зәрбидарлар әтрити қурғанлиқини елан қилған болуп, бу әтрәт һәрбий һәрикитини ат үстидә туруп елип бериш үчүн мәшқләндүрүлгән.

21-Авғуст «һиндистан вақти» гезитигә бесилған хәвәргә қариғанда, «тағ бүркүти зәрбидарлар әтрити» дәп нам берилгән бу әтрәт мушу айниң бешидин башлап қирғизистанниң һәрбий хадимлири билән бирликтә һәрбий мәшиқни башлап болған икән.

Бу зәрбидарлар әтритиниң қурулғанлиқи һәққидики хәвәр тунҗи болуп хитай биваситә башқуридиған «пайдилиниш хәвәрлири» дә елан қилинған.

Хәвәрдин мәлум болушичә, мәзкур әтрәт хитай хәлқ қораллиқ сақчи қисми тәрипидин қурулған икән. Мәзкур қисимниң уйғур диярида турушлуқ башлиқи «пайдилиниш хәвәрлири» гә қилған сөзидә, «‹тағ бүркүти зәрбидарлар әтрити' ниң бәрпа болуши шинҗаңниң, һәтта хитай дөлитиниң террорлуққа қарши вәзиписини орунлаш үчүндур,» дегән. У йәнә бу хил қурулғиниға узақ болмиған зәрбидарлар әтритиниң әзәлдин аммиви сорунларда көрүнмәйдиғанлиқи, уларниң қийинлиқ дәриҗиси юқири болған вәзипиләрни орундайдиғанлиқини билдүргән.

Мәлум болушичә, бу хитайниң террорлуққа қарши мәхсус зәрбидарлар әтритиниң үчинчиси икән. Буниң бири, «гуаңҗу йилпизи» дәп аталған әтрәт болуп, у 2002-йили қурулған икән. Йәнә бири, «бейҗиң қарчуғаси» дегән намда қурулған әтрәт болуп, 1982-йилдин башлап ишқа кириштүрүлгән икән.

Пикирләр (0)
Share
Толуқ бәт