Xitay térrorluqqa qarshi 3-qétimliq zerbidarlar etriti qurghanliqini élan qildi

Muxbirimiz sada
2019-08-21
Élxet
Pikir
Share
Print

Xitay hökümiti Uyghur diyarigha qarita yéngidin térrorluqqa qarshi zerbidarlar etriti qurghanliqini élan qilghan bolup, bu etret herbiy herikitini at üstide turup élip bérish üchün meshqlendürülgen.

21-Awghust "Hindistan waqti" gézitige bésilghan xewerge qarighanda, "Tagh bürküti zerbidarlar etriti" dep nam bérilgen bu etret mushu ayning béshidin bashlap qirghizistanning herbiy xadimliri bilen birlikte herbiy meshiqni bashlap bolghan iken.

Bu zerbidarlar etritining qurulghanliqi heqqidiki xewer tunji bolup xitay biwasite bashquridighan "Paydilinish xewerliri" de élan qilin'ghan.

Xewerdin melum bolushiche, mezkur etret xitay xelq qoralliq saqchi qismi teripidin qurulghan iken. Mezkur qisimning Uyghur diyarida turushluq bashliqi "Paydilinish xewerliri" ge qilghan sözide, "'tagh bürküti zerbidarlar etriti' ning berpa bolushi shinjangning, hetta xitay dölitining térrorluqqa qarshi wezipisini orunlash üchündur," dégen. U yene bu xil qurulghinigha uzaq bolmighan zerbidarlar etritining ezeldin ammiwi sorunlarda körünmeydighanliqi, ularning qiyinliq derijisi yuqiri bolghan wezipilerni orundaydighanliqini bildürgen.

Melum bolushiche, bu xitayning térrorluqqa qarshi mexsus zerbidarlar etritining üchinchisi iken. Buning biri, "Gu'angju yilpizi" dep atalghan etret bolup, u 2002-yili qurulghan iken. Yene biri, "Béyjing qarchughasi" dégen namda qurulghan etret bolup, 1982-yildin bashlap ishqa kirishtürülgen iken.

Toluq bet