Xitayning b d t diki elchisi yene bir qétim Uyghurlarni qarilidi

Muxbirimiz eziz
2020-02-25
Share

Xitay hökümitining b d t ning jenwediki shitabida turushluq elchisi 25-féwral küni yene bir qétim xitay hökümitining térrorluqqa qarshi turiwatqanliqini tekitlep: "Biz Uyghurlarni saqal-burut üchün tutqun qilghinimiz yoq, biz peqet térrorluqni yoqitiwatimiz" dédi.

Xitay merkiziy téléwiziye istansisining xewiride éytilishiche, chet'el muxbirliri bash elchi chén shüge so'al qoyup "Uyghurlarni néme üchün tashqi körünüshte gheyriylik bar depla tutqun qilisiler?" dep sorighanda ashundaq jawab bergen. Melum bolushiche, chet'el muxbirliri yéqinda ashkara bolghan höjjetlerdiki Uyghurlarning tutqun qilinish sewebige munasiwetlik uchurlarni asas qilip shundaq so'al sorighan iken. 

Yéqinda ashkara bolghan "Qariqash höjjetliri" dimu bir qisim tutqunlarning héjaplan'ghanliqi we saqal-burut qoyghanliqi seweblik "Diniy esebiy unsur" dep qaralghanliq hemde lagérgha solan'ghanliqi melum bolghan idi. Amérikidiki musteqil közetküchi ilshat hesen bu heqte pikir qilip "Bu peqet xitay hökümitining 'quyruq körsitip öpke sétish'tek kona usulining tekrarlinishi, xalas" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet