Xitay hökümiti ötken üch yilda yüz ming kishini "Ishqa orunlashturghan"

Muxbirimiz eziz
2020-06-10
Share

Xitay hökümiti ötken birnechche yilda "Namratliqtin qutuldurush" namida ishqa orunlashturghan "Ma'ashliq ishchilar" ning sanining alliqachan yüz mingdin ashqanliqini melum qildi.

"Shinjang géziti" ning 10-iyundiki sanida éytilishiche, ötken üch yilda qeshqer we xoten rayonida yüz ming kishi ma'ashliq xizmetke orunlashqan bolup, bular birdek parxanigha ot qalash, satirashliq, kepsherlesh, bolka pishurush qatarliq kesiplerni öginish arqiliq ishqa orunlashqaniken shuningdek ular yene bashqa jaylargha yötkep orunlashturulghan.

Xitay hökümiti bu ehwalni "Yerlik Uyghurlarni namratliqtin qutuldurush xizmitining netijisi" dep teshwiq qiliwatqan bolsimu, bir qisim analizchilar bularning yerliridin ayrilip qalghan déhqanlar hemde lagér mehbusliri bolushi mumkinlikini algha sürmekte. Xelq'araning bésimlirigha jawab bérish üchün xitay hökümiti teshkilligen "Lagér ziyariti" jeryanida ékiskursiyechiler atalmish "Kursantlar" ning türlük "Kespiy maharetlerni öginiwatqanliqi" ni körgenidi.

Musteqil közetküchi ilshat hesen bu heqte pikir qilip "Xitay hökümiti hazir ishxanilarda olturidighan we rehberlik qilidighan ishlarni xitay aqqunlirigha teqsimlep, yersiz déhqanlar hemde lagérlardin 'idiye özgertip' chiqqan mehbuslarni ashu xildiki töwen ma'ashliq xizmetlerge séliwatidu" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet