Xitay taratquliri Uyghur diyaridiki yerlik milletlerdin kompartiye ezalirining köpiyiwatqanliqini dawrang salghan

Muxbirimiz sada
2019-07-01
Élxet
Pikir
Share
Print

Uyghur diyaridiki Uyghur, qazaq we bashqa yerlik milletlerning jaza lagérlirigha qamilip qiyin-qistaqqa éliniwatqanliqi ilgiri sürülüwatqanda xitay taratquliri Uyghur diyaridiki yerlik milletlerdin kompartiye ezalirining köpiyiwatqanliqini dawrang salghan.

"Tengritagh tori" ning 1-iyuldiki sanida élan qilin'ghan munasiwetlik xewerge qarighanda, 2018-yili 31-dékabirgha qeder rayondiki "Xitay kompartiye ezaliri" bir milyon 612 ming 400 ademge yetken bolup, buningda rayondiki yerlik milletler 622 ming 500 adem bolghan. Bu omumiy sanning 38. 61 Pirsentni igiligen.

Uningdin bashqa 2018-yili bir yil ichide tereqqiy qiliwatqan "Xitay kompartiye ezasi" jem'iy 76 ming 862 adem bolup, buningda yerlik milletler jem'iy 43 ming 997 adem bolghan. Bu omumiy sanning 57. 24 Pirsentni teshkil qilghan.

Yéqindin buyan élan qilinip kéliwatqan doklatlarda xitay kompartiyesige jan-dili bilen ishligen Uyghur we bashqa yerlik milletlerning xitay hökümiti teripidin "Ikki yüzlimichi" dep sanilip jazagha höküm qilin'ghanliqi ashkarilanmaqta. Mushundaq bir ehwaldimu xitay hökümitining rayondiki yerlik milletlerdin kompartiye ezalirining köpiyiwatqanliqi heqqide xewer bérishi közetküchilerning diqqitini qozghidi.

Közetküchiler, xitay da'irilirining mushundaq qilish arqiliq özining rayonda yürgüzüwatqan qattiq qol siyasitini perdazlimaqchi boluwatqanliqini, we hökümetning dumbiqini chalidighan "Hurrachilar" ni köpeytishke urunuwatqanliqini ilgiri sürmekte.

Toluq bet