Хитай әмди росийәдә оқуватқан уйғур оқуғучиларни син екрани арқилиқ ата-анилири билән көрүшـтүргән

Мухбиримиз ирадә
2021-07-08
Share

Хитайниң росийәдә турушлуқ әлчиханиси вә аталмиш "шинҗаң-чәт әл достлуқ җәмийити" бирликтә бир синлиқ йиғин уюштуруп, уйғур елидин берип росийәдә оқуватқан оқуғучиларни син көрүнүши арқилиқ ата-анилири билән көрүштүргән.

"хитай хәвәрләр тори" дин мәлум болушичә, йиғинға уйғур аптоном районлуқ хәлқ һөкүмитиниң муавин рәиси җарулла һесамидин, хитайниң росийәдә турушлуқ баш әлчиси җаң хәнхуй вә шундақла росийәдә оуватқан оқуғучилар вәкиллири билән уларниң ата-анилири қатнишип, син арқилиқ көрүшкән.

Хәвәрдә мундақ дейилгән: "йиғинда росийәдә оқуватқан оқуғучиларниң вәкиллири актиплиқ билән сөз қилди вә өзлириниң хизмәт, оқуш вә турмуш шараитини тонуштурди. Уларниң шинҗаңдики туғқанлири партийә вә һөкүмәтниң хәлққә нәп йәткүзүш сиясити, юртидики хушаллинарлиқ өзгиришләр вә бәхтлик турмушини чәт әлдики туғқанлириға тонуштурди."

Синлиқ йиғинда бир қанчә оқуғучиниң ата-анилири билән көрүштүрүлгән болуп, хәвәрдә уларниң ата-анилириниң балилириға "биз һазир шундақ яхши яшаватимиз, әгәр сиз чәт әлдә оқуялиған болсиңиз, сиз чоқум партийә вә дөләттин миннәтдар болушиңиз керәк, чоқум җапалиқ өгинишиңиз вә вәтиниңизгә қайтип, вәтиниңизни вә юртиңизни гүлләндүрүшиңиз керәк," дегәнлики йезилған.

Хитай һөкүмити йеқинда түркийәдә оқуватқан 20 нәпәр уйғур оқуғучиғиму мушундақ бир йиғин уюштурған иди. Хитай һөкүмити бу арқилиқ чәт әлләрдики уйғурларниң юртлиридики уруқ-туққанлири билән алақә қилалмайватқанлиқидәк шикайитини ялғанға чиқармақчи болуватқан болсиму, әмма униң көзлигән мәқсәткә йетәлмәйватқанлиқи мәлум.

Дуня уйғур қурултийиниң рәиси долқун әйса бу һәқтики сөзидә "һазирқидәк учурлашқан бир дәврдә ким йеқинлири билән алақә қилиш үчүн әлчихана вә һөкүмәт органлири билән алақилишиду? шәхси параңларни селиш үчүн йиғин уюштурамду? мушуниң өзи уйғурларниң һоқуқиниң қайсий дәриҗидә дәпсәндә қилиниватқанлиқини намайән қилип бериду," дегән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт