“вол стерет журнили: “әгәр хитайниң тәшвиқати контрол қилинмиса буниң зийинини пүтүн америкалиқлар тартиду”

Мухбиримиз әркин
2022.08.22
Share on WhatsApp
Share on WhatsApp

“вол стерет журнили” гезитидә 21-авғуст елан қилинған бир мақалидә, әгәр хитайниң ғәрб әллиридики тәшвиқати контрол қилинмиса, буниң зийинини пүтүн америкалиқларниң тартидиғанлиқи агаһландурулған. Мақалида ейтилишичә, нөвәттә дуняниң һәр қайси җайлирида милйонлиған кишиләр биринчи қол хәвәр мәнбәси сүпитидә хитай тәшвиқат таратқулириға таянмақтикән. “хитайниң тәшвиқати ғәрбкә қандақ тәсир қиливатиду” мавзулуқ бу мақалини америкадики җон хопкинис университети паул нитзе заманиви хәлқара мунасивәтләр институтиниң лектори сет каплан қәләмгә алған.

Мақалида қәйт қилинишичә, хитайниң нәччә он йиллап тиришчанлиқ көрситиши арқисида хитайчә сөзлишидиған милйонлиған америкилиқ бейҗиңниң тәшвиқат таратқулириға өзлириниң биринчи қол хәвәр мәнбәси сүпитидә таянмақтикән. Мақалида хитай дөләт таратқулириниң русийә украинаға таҗавуз қилғандин бери кечә-күндүз шатутидәк кремил сарийиниң ялғанчилиқини тәкрарлап кәлгәнлики, болупму униң америкада сахта учур тарқитишта қанчилик утуқлуқ болуп кәлгәнлики техи анчә билинмигән әһвал икәнлики тәкитләнгән.

Мақалидә ейтилишичә, хитайниң америкадики “SinoVision” намлиқ телевизийә қанили, “муһаҗирлар” гезити, “юлтузлуқ арал” гезити, довей агентлиқи тори, хоңкоңдики сумруғ телевизийә қанили, мәркизи телевизийә истансиси қатарлиқлар хитайниң тәшвиқатини тарқитишта авангартлиқ рол ойнимақтикән.

Мақалидә йәнә хитайниң “үндидар” иҗтимаий алақә вастисиниңму сахта учур тарқитишта авангартлиқ рол ойнайдиғанлиқи, “үндидар” ниң америкада 19 милйон күндилик ишләткүчиси барлиқи, униң хитай компартийәси үчүн америка сияситигә тәсир көрситиштики қиммәтлик қоралға айланғанлиқи тәкитләнгән. Мақалидә ейтилишичә, америка һөкүмити бу орунлардин хитай яки хитай бирликсәп бөлүми билән болған мунасивитини ашкарилашни, компартийәниң тәсиридики таратқуларни сетишни яки тақашни тәләп қилиши керәк икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.