“Wol stérét zhurnili: “Eger xitayning teshwiqati kontrol qilinmisa buning ziyinini pütün amérikaliqlar tartidu”

Muxbirimiz erkin
2022.08.22
Share on WhatsApp
Share on WhatsApp

“Wol stérét zhurnili” gézitide 21-awghust élan qilin'ghan bir maqalide, eger xitayning gherb elliridiki teshwiqati kontrol qilinmisa, buning ziyinini pütün amérikaliqlarning tartidighanliqi agahlandurulghan. Maqalida éytilishiche, nöwette dunyaning her qaysi jaylirida milyonlighan kishiler birinchi qol xewer menbesi süpitide xitay teshwiqat taratqulirigha tayanmaqtiken. “Xitayning teshwiqati gherbke qandaq tesir qiliwatidu” mawzuluq bu maqalini amérikadiki jon xopkinis uniwérsitéti pa'ul nitzé zamaniwi xelq'ara munasiwetler institutining léktori sét kaplan qelemge alghan.

Maqalida qeyt qilinishiche, xitayning nechche on yillap tirishchanliq körsitishi arqisida xitayche sözlishidighan milyonlighan amérikiliq béyjingning teshwiqat taratqulirigha özlirining birinchi qol xewer menbesi süpitide tayanmaqtiken. Maqalida xitay dölet taratqulirining rusiye ukra'inagha tajawuz qilghandin béri kéche-kündüz shatutidek krémil sariyining yalghanchiliqini tekrarlap kelgenliki, bolupmu uning amérikada saxta uchur tarqitishta qanchilik utuqluq bolup kelgenliki téxi anche bilinmigen ehwal ikenliki tekitlen'gen.

Maqalide éytilishiche, xitayning amérikadiki “SinoVision” namliq téléwiziye qanili, “Muhajirlar” géziti, “Yultuzluq aral” géziti, dowéy agéntliqi tori, xongkongdiki sumrugh téléwiziye qanili, merkizi téléwiziye istansisi qatarliqlar xitayning teshwiqatini tarqitishta awan'gartliq rol oynimaqtiken.

Maqalide yene xitayning “Ündidar” ijtima'iy alaqe wastisiningmu saxta uchur tarqitishta awan'gartliq rol oynaydighanliqi, “Ündidar” ning amérikada 19 milyon kündilik ishletküchisi barliqi, uning xitay kompartiyesi üchün amérika siyasitige tesir körsitishtiki qimmetlik qoralgha aylan'ghanliqi tekitlen'gen. Maqalide éytilishiche, amérika hökümiti bu orunlardin xitay yaki xitay birliksep bölümi bilen bolghan munasiwitini ashkarilashni, kompartiyening tesiridiki taratqularni sétishni yaki taqashni telep qilishi kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.