Хитай «җуңхуа милләтлири ортақ гәвдиси еңи» ни сиңдүрүш арқилиқ өзиниң ассимилятсийә пиланини ишқа ашурмақта

Мухбиримиз җәвлан
2020-10-07
Елхәт
Пикир
Share
Принт

Хитайчә «тәңритағ» тори 7-өктәбир «җуңхуа милләтлири ортақ гәвдиси еңини хәлқниң роһиға чоңқур сиңдүрәйли» намлиқ обзур елан қилған болуп, хитайниң дөләт байрими мунасивити билән елан қилған обзурлиридин бири икән.

Бу обзурда хитайдики тавуз чағини җуңхуа милләтлириниң әнәниви байрими дейилгән һәмдә турпан астанидин тепилған ядикарлиқлар тилға елинип, «таң дәвридила бу йәрдики хәлқ оттура түзләңлик һүнири бойичә йөбин (айтоқач) тәйярлашни билгән» дейилгән.

Бу обзурда тавуз чағини йетип келиш алдида уйғур райониниң хотән қатарлиқ җайлирида яңақ яки гүлқәнт қетип йөбин тәйярлаш, сетиш, совға қилиш паалийәтлириниң җанлинип кәткәнлики баян қилинған һәмдә «йөбин гәрчә кичик нәрсә болсиму, у өз ичигә алған мәдәнийәтниң ролиға сәл қарашқа болмайду» дейилгән.

Униңда йәнә уйғур районида корона вируси ямриған мәзгилидә һәр қайси милләтләрниң қандақ иттипақлишип, бир-биригә ярдәмлишип кесәллик үстидин ғалиб кәлгәнлик һекайилири баян қилинған. Андин «булар ‹җуңхуа милләтлири ортақ гәвдиси еңи'ни җанлиқ чүшәндүрүп бериду, бу аң дөләтниң бирликкә келиш асасидур, милләтләр иттипақлиқиниң түп негизи вә мәниви күчидур» дейилгән.

Анализчиларниң билдүрүшичә, хитайниң бу хил тәшвиқати йәнила хитай секритати ши җинпиңниң барлиқ милләтләрни «җуңхуа милләтлири» дегән нам астида хитайлаштуруш сияситиниң тәлипи болуп, ши җинпиң һәр қетимлиқ «шинҗаң хизмити йиғини» да уйғур кадирлири вә уйғур оқуғучилириниң өз кимликигә аит миллий, диний вә тарихий көз қаришини түптин йоқитип, уларға «җуңхуа милләтлири ортақ гәвдиси еңи» ни чоңқур сиңдүрүш керәкликини қайта-қайта тәкитлигән.

Пикирләр (0)
Share
Толуқ бәт