Хитайниң "уйғурлар бәхтлик" тәшвиқати ахбарат йиғинлири көпәйгән

Мухбиримиз нуриман
2021-11-11
Share

Хитайниң һөкүмәт таратқуси болған "тәңритағ тори" ниң 11-ноябир күнидики хәвиригә қариғанда үрүмчи вә италийәниң пайтәхти римда "шинҗаң яхши җай" дегән темида син алмаштуруш йиғини өткүзүлгән. Бу син йиғинини уйғур аптоном райони, хитайниң италийәдики баш әлчиханиси вә италийә кеңәш палатаси вә авам палатасиниң ташқи ишлар комитети бирликтә уюштурған.

Италийәдики бир қисим парламент әзалири "ишәнчлик вә нопузлуқ" учур мәнбәси арқилиқ уйғур районидики кишилик һоқуқ вәзийити һәққидә еришкән мәлуматлири тоғрилиқ сориғанда, аптоном районлуқ хәлқ һөкүмитиниң баянатчиси шү гүйшяң бурунқидәкла у хәвәрләрни ялғанға чиқарған. 3-Ноябир франсийидики хитай әлчиханисиму франсийәдики хитай вә уйғур оқуғучиларни йиғип тор йиғини өткүзгәниди. Улар йиғинда "уйғурларниң хушал-хурам яшаватқанлиқи", ғәрб дөләтлиридә уйғурлар тоғрисида дейиливатқанларниң пүтүнләй "ялған" икәнликини ейтишқан.

Бухил тәшвиқатларниң ғәрб дөләтлири хитайни әйибләшни күчәйткән вә америкадики "йәһудий қирғинчилиқи хатирә музейи" ирқий қирғинчилиқниң алдини елиш тәтқиқат мәркизиниң хитай һөкүмитиниң уйғурларға қаритиватқан инсанийәткә қарши җинайәтлирини йәниму күчәйткәнликигә аит ишәнчлик пакитларни асасида елан қилған доклатидин кейин елип берилиши диққәт қозғиған.

Симон-скҗод ирқий қирғинчилиқниң алдини елиш тәтқиқат мәркизи мудири наоми киколер ханим ахбарат йиғинида мухбирларға "шу таптики һәрбир минутниң өзидә уйғур әрлири, аяллири вә уйғур балилири өз кимлики сәвәбидин зиянкәшликкә учраватиду." дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт