Da'iriler Uyghur élidiki xitay kadirliri arisida Uyghur tili öginish qizghinliqining kötürülgenlikini teshwiq qilmaqta

Muxbirimiz qutlan
2016-11-21
Share

Xitay taratquliri yéqindin buyan mexsus xewer bérip, Uyghur aptonom rayonidiki yash xitay kadirliri arisida Uyghur tili öginish qizghinliqi kötürülgenlikini teshwiq qilmaqta.

Shinxwa agéntliqining bu heqtiki xewirige qarighanda, ürümchidiki yash we ottura yash xitay kadirliri özlirining "Az sanliq milletler arisidiki xizmet ünümdarliqini ashurush üchün" Uyghur tili öginiwatqanliqini ilgiri sürgen.

Xewerde mundaq déyilgen: "Islahat we ishikni échiwétish yillirida ürümchide 'in'gliz tili öginish qizghinliqi' kötürüldi. 1990-Yillardin kéyin ottura asiya elliri bilen bolghan soda-tijaretning küchiyishige egiship ürümchide 'rus tili öginish qizghinliqi' peyda boldi. Yéqinqi yillardin buyan milletler ara ittipaqliqning tekitlinishige egiship ürümchidiki xenzu kadirlar arisida 'Uyghur tili öginish qizghinliqi' kötürülmekte."

Xewerde déyilishiche, buningdin 6 yil ilgiri chén yüxwa isimlik bir xitay kishi ürümchide "Serxosh Uyghur tili" namliq til terbiyilesh kursi achqan iken. Bu kursta hazirgha qeder 3 mingdin artuq xitay kursantning Uyghur tili ögen'genliki melum.

Halbuki, közetküchiler xitay taratquliri bes-beste teshwiq qiliwatqan bu xewerning arqisigha mu'eyyen bir siyasiy meqsetning yoshurun'ghanliqidin guman qilmaqta.

Uyghur amérika birleshmisining re'isi ilshat hesen ependi bu heqte inkas qayturup: "Egerde bügünki künde Uyghur tili öginishke qiziqidighan xitaylar bar déyilse, ular peqetla ösüshni meqset qilghan yash we ottura yash xitay kadirliri bolushi mumkin. Da'iriler Uyghur élida yürgüzüwatqan atalmish 'qosh tilliq ma'arip' istératégiyeside tashqi dunyagha balans körsitish üchün xitaylarningmu Uyghur tili öginiwatqanliqini pesh qilghan, xalas."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet