Хитай һөкүмити уйғурларниң юрт-маканлиридин көчүрүлүшини "йезиларни гүлләндүрүш" дәп ақлиған

Мухбиримиз әркин
2021-11-22
Share

Уйғур аптоном районлуқ һөкүмәт 21-ноябир ахбарат йиғини чақирип, 2017-йилдин башлап техиму кәң көләмлик йолға қоюлған уйғур деһқанлирини йеңи туралғу нуқтилириға көчүрүш қурулушини ақлиған. Даириләрниң илгири сүрүшичә, бу көчүрүш һәркити "йезиларни гулләндүрүш" қурулуши икән.

Хитай һөкүмити 2017-йили башланған чоң тутқун билән бир вақитта, худди қәпәздәк қоршалған олтурақ районларни кәң көләмдә қуруп, йеза-кәнт вә қишлақлардики бағ-варанлиқ қора-җайлирида яшайдиған уйғур деһқанлирини бу районларға көчүргән.

Кишилик һоқуқ тәшкилатлириниң ейтишичә, даириләр бу йеңи олтурақ районлириниң әтрапиға йәнә хитай карханилирини қуруп, уйғур деһқанлирини бу карханилардики мәҗбурий әмгәк күчлиригә айландурған. Бирақ ахбарат йиғинида уйғур аптоном районлуқ деһқанчилиқ назаритиниң муавин назири шү тав бу қурулушни махтап: "шинҗаңниң деһқанчилиқ вә йеза тәрәққиятини алдинқи орунға қоюп, йеза-кәнтләрни гүлләндүрүш истиратегийәсини кәң көләмлик иҗра қилғанлиқи, йеза-кәнтләрниң ишләпчиқириши, ихтисас ‍игилири, мәдәнийәт, екологийә вә тәшкилий җанлинишини алға сүрүши арқисида зор тәрәққийтатқа еришкәнлики" ни билдүргән.

Ахбарат йиғини уйғур елида ток, газ, көмүр вә башқа йеқулғуларниң баһаси шиддәтлик өрләп кетиши түпәйли аталмиш бу хил "заманиви олтурақ өйләр" гә көчүрүп келингән уйғур деһқанлириниң ток вә иссиқлиқ пулини төләшкә амалсиз қелип, еғир әһвалда қалғанлиқи қәйт қилиниватқан бир вақитта өткүзүлгән. Көзәткүчиләрниң ейтишичә, бу қурулушниң мәқсити уйғур деһқанлирини мәҗбурий әмгәк күчлиригә айландурупла қалмай, уларниң бу олтурақ районлирида техиму ‍үнүмлүк контрол қилиш икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт