Хитай һөкүмити америкадики бир ширкәтни иҗтимаий таратқуларда хитайниң тәшвиқатини қилишқа ялливалған

Мухбиримиз әркин
2021-12-17
Share

Хитай һөкүмити бейҗиң қишлиқ олимпики дипломатик байқут қилишқа учраватқан бир вақитта америкадики бир ширкәтни иҗтимаий таратқуларға тор актиплирини қобул қилип, хитайниң тәшвиқатини қилишқа ялливалған. Америкадики “ашкара мәхпийәтлик” ториниң ейтишичә, хитай ‍американиң невҗейсей штатидики бир ширкәтни ялливалған болуп, тор актиплирини қобул қилип, ‍иҗтимай таратқуларда хитайниң тәшвиқатини қилиш 300 миң долларлиқ бу тохтамниң бир парчиси икән.

“ашкара мәхпийәтлик” тори 2022-йили 3-айға қәдәр давамлишидиған бу тохтамниң пулини хитайниң ню-йорктики консулханиси беридиғанлиқи, консулханиниң бу ширкәткә бу йил 23-ноябир күни 210 миң доллар закаләт тапшурғанлиқини ейтқан. Хитайниң бу һәрикити америка, канада, әнглийә, австралийә, белгийә, литва қатарлиқ дөләтләр хитайниң уйғурларни бастуруши сәвәблик бейҗиң қишлиқ олимпикини дипломатик байқут қилған, байқут қилиш сепигә қошулидиған дөләтләр көпийишкә йүзләнгән бир вақитта ашкариланди. “ашкара мәхпийәтлик” ториниң ейтишичә, хитай һөкүмити бу ширкәткә “көрүрмәнләрни қозғиталайдиған, кәң қизиқиш қозғайдиған, сәрхил мәзмунларни тарқитидиған” тор актиплирини қобул қилиши үчүн пул төлигән.

Бу хәвәр 17-декабир америкадики бәзи сиясийонларниң диққитини тартқан. Американиң б д т да турушлуқ сабиқ баш әлчиси никей хәйлей твиттерда буниңға инкас билдүрүп: “америка хитай олимпик мусабиқисиниң тәшвиқатини қилиш үчүн пул бәргән даңлиқ шәхс яки тәсирлик кишиләрниң исмини ашкарилиши керәк” дегән. Униң ейтишичә, ши җинпиңдин пул ‍алған һәрқандақ киши униң “инсан һәқлиригә вә милйонлиған уйғурға ирқий қирғинчилиқ қилишиға йол қойған болидикән”.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт