Уйғур ели даирилири "шинҗаң мусулманлири" намлиқ журнал вә тор бәтни рәсмий тәсис қилған

Мухбиримиз ирадә
2015-12-22
Share

Уйғур аптоном район даирилири 22-декабирдин етибарән "шинҗаң мусулманлири" намлиқ журнални рәсмий тарқитишқа башлиған шундақла бу намдики тор бәтниму рәсмий йолға қойған. Тәңритағ ториниң бу һәқтики хәвиридин қариғанда, мәзкур журнал вә тор бәт уйғур аптоном районлуқ һөкүмәтниң орунлаштурушиға асасән, аптоном районлуқ диний ишлар идариси, ислам диний җәмийити, ислам диний институти қатарлиқ орунлар тәрипидин ортақлишип чиқирилған болуп, униңда асаслиқ хитай компартийисиниң сиясәтлири, милләтләр-дин сиясити, қанун-бәлгилимилири тәшвиқ қилинидикән.

‹‹Шинҗаң мусулманлири'' журнили һәқсиз тарқитилидиған қош айлиқ ички журнал болуп, уйғурчә, хәнзучә, қазақчә үч хил йезиқта нәшр қилинидикән. Асаслиқ шинҗаңдики ислам дини әрбаблириға, мәсчитләргә, мусулман амма вә шундақла милләт, динға алақидар тармақларға тарқитилидикән

Хәвәрдин қариғанда, аптоном районлуқ партком даимий комитетиниң әзаси шавкәт имин "шинҗаң мусулманлири" намлиқ бу журнал вә тор бәтни "әсәбийлик" ни түгитиш, иҗтимаий муқимлиқ вә әбәдий әминликини тиришип қоғдаш, ислам дини билән сотсиялистик җәмийәтни өз ‏-ара маслаштурушқа йетәкләштә басқан муһим қәдәм, дәп тәриплигән.

Хитай һөкүмити уйғур елидә "диний радикаллиқ, диний әсәбийлик" кә қарши туруш намидики һәрикәтлирини күчәйтмәктә. Бирақ, хәлқарадики кишилик һоқуқ органлири хитай һөкүмитиниң уйғурларни динниң әң асасий шәртлирини ада қилишиға тосқунлуқ қиливатқанлиқини, уларниң диний вә миллий һоқуқлириға қопаллиқ билән арилишиватқанлиқини илгири сүриду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт